Bundan sonra «Badamdar Hotel» «Accor Hotels» qrupuna məxsus «Pullman» brendi altında fəaliyyət göstərəcək.
Turan-ın məlumatına görə, bu gün Bakıda “Gilan Hollding” ilə “Accor Group” arasında müvafiq müqavilə imzalanıb.
Accor Hotels” şirkətinin MDB üzrə regional direktoru Aleksis Delaroff tədbirdə bəyan edib ki, Azərbaycan bazarına daxil olduqlarından çox məmnundurlar.
O bildirib ki, şirkət özü «Badamdar Hotel»i idarə etmək barədə «Gilan Hollding»ə müraciət edib.
«Accor Hotels»in 95 ölkədə «Pullman Hotels and Resorts» brendli 100-dək beşulduzlu oteli var.
Xatırladaq ki, «Badamdar Hotel» 2011-ci ildə «Keçpinski» brendi ilə açılıb. 2016-cı ildə «Keçpinski» brendi oteldən imtina edib və o, «Badamdar Hotel» adlanmağa başlayıb. 71D
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz