Qubad İbadoğlu: «Gələn ildən müdafiə vergisi tətbiq etmək olar»

Gələn ildən müdafiə xərcləri son on ildə ən az olacaq və çıxış yolu müdafiə vergisi ola bilər, deyə iqtisadçı Qubad İbadoğlu hesab edir.

Turan-ın məlumatına görə, o, «Facebook» səhifəsində yazıb ki, 2017-c ilin dövlət büdcəsinin ən zəif həqləsi müdafiə büdcəsi hesab oluna bilər.

«2017-ci ildə müafiə xərcləri bu illə müqayisədə 613,4 milyon manat və ya 27,5 faiz azalaraq 1 milyard 615 milyon manat (hazırkı məzənnə ilə 1 milyard dollar) təşkil edəcək», deyə İbadoğlu qeyd edir.

Ekspert bildirir ki, Regionda vəziyyətin gərginləşdiyi və Ermənistanın Azərbaycanla hərbi qarşıdurmasının gücləndiyi indiki şəraitdə Azərbaycanın müdafiə xərclərinin kəskin azaldılması narahatlıq doğurur.

«Eyni zamanda nəzərə almaq lazımdır ki, son zamanlar istehlak bazarında sürətlə artan qiymətlər, manatın kəskin devalvasiyası hərbi qulluqçuların həyat şəraitini pisləşdirməkdə, həmçinin silahlı qüvvələrin müdafiə qabliyyətinin artırılması və yeniləşdirilməsi valyutaya olan tələbatı artırmaqdadır. Belə bir şəraitdə müdafiə xərclərinin kəskin azalmasının, hərbi qulluqçuların əmək haqlarının ixtisarının qarşısını almaq üçün çıxış yollarından biri gələn ildən etibarən müdafiə vergisinin tətbiq edilməsi ola bilər.
Ekspert hesab edir ki, bu vergi növü əməyin ödənilməsi fondundan (1-2 faiz) şamil edilməklə, yığılan vəsait müdafiə nazirliyinə ayrılmalıdır ki, onlar xərləri ilə gəlirlərini tarazlaşdıra bisinlər.

«Müharibə şəraitində olan bir çox ökələrdə anoloji vergi növü müxtəlif adlarla (müharibə, ordu, müdafiə və sair) tətbiq olunur», deyə Q.İbadoğlu qeyd edir. 71B