Gələn həftə “Baksell ltd” MMC Bakı Fond Birjasında təminatsız istiqrazlarının ikinci emissiyasını yerləşdirəcək. Onu bir aydan gec olmayaraq başa çatdırmaq planlaşdırılır.
İstiqrazların ümumi nominal qiyməti 40 mln manatdır. Üç il öncə də bu qədər buraxılmışdı. Cəlb edilən vəsaitlərdən cari öhdəliklərin təkrar maliyyələşməsində istifadə ediləcək. Noyabrın 27-i üçün şirkətin kreditor borcu 69,2 mln manatdır. 2011-ci ilin dekabrında buraxılan istiqraz emissiyasının müddəti bu günlərdə başa çatır. O vaxt 40 000 istiqrazı “Pasha Bank” ASC alıb.
Emissiya prospektinə əsasən, istiqrazlar 1080 gün dövriyyədə olacaq. İllik dərəcə 9%-dir. Bu, 2011-ci ildəkindən 0,5% azdır. Faizlərin ödənişi rübdə bir dəfə həyata keçiriləcək.
İstiqrazların yerləşdirilməsinin anderrayteri qismində “PAŞA Capital” çıxış edəcək.
2013-cü ildə şirkət yeganə səhmdarına (“GBİT 1996 ltd”, Britaniya Vircin adaları) 66 mln 890,2 min manat ödəyib.
“Baksell ltd” MMC-nin nizamnamə kapitalı 9 908 000 manatdır. Direktorlar Şurası 5 nəfərdən ibarətdir. Sədri həm də Misir telekommunikasiya şirkəti “Mobiserve”in direktoru vəzifəsini tutan Lotar Paulidir (Pauly Lothar Heinrich Andreas). 08B
İqtisadiyyat
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
-
Alman-Azərbaycan Ticarət Palatası (AHK Azərbaycan) 18 dekabr 2024-cü ildə Bakıda ikiillik Üzvlərin Ümumi Yığıncağını keçirdi. Tədbirdə Palatanın nailiyyətlərini müzakirə etmək və gələcək planları müəyyənləşdirmək üçün 80-dən çox biznes nümayəndəsi bir araya gəldi.
Rəy yaz