Bakı şəhər İcra Hakimiyyətinin başçısı Hacıbala Abutalıbovun iyulun 25-də imzaladığı sərəncama əsasən, paytaxtın bütün mərkəzi küçə və meydanlarında minik avtomobillərinin park edilməsi qadağan edilir. Belə qərar dünən Fizuli və Mirzağa Əliyev küçələri arasında yeraltı avtomobil dayanacağının təhvil verilməsi ilə əsaslandırılır.
Sərəncama əsasən Bakı şəhər Baş Polis İdarəsinə avtomobil yollarının keçid hissəsini park etmək üçün qanunsuz istifadə edənlərə və bundan qanunsuz gəlir edənlərə qarşı inzibati cəza tədbirlərinin tətbiq edilməsi tapşırılıb. Vətəndaşlara avtomobil dayanacağı üçün parkinqlərin istifadə edilməsi təklif edilir.
Qeyd edək ki, bir gün əvvəl prezident İlham Əliyev 4500 avtomobillik növbəti avtomobil dayanacağının açılışında iştirak edib. Bakı şəhər İcra hakimiyyətinin başçısı Hacıbala Abutalıbov yeraltı avtomobil dayanacağının parametrləri barədə ona məlumat verib.
Üç mərtəbəli dayanacağın ümumi sahəsi 21 ha-dır. Burada 5 giriş-çıxış var. İki mərtəbədə dayanacaq yerləşir, üçüncü texniki mərtəbədir. Burada avtoyuma fəaliyyət göstərir. Ventelyasiya sistemi, yanğından mühafizə və təhlükəsizlik sistemi quraşdırılıb. Avtodayanacaqda 270-ə yaxın videomüşahidə kamerası var. Şəmsi Bədəlbəyli küçəsi yeraltı keçidin üstündən keçdiyindən bu hissə körpü prinsipi ilə tikilib.
Turana məlum olub ki, dayanacaq pulludur və park etmənin bir saatı – 0,50 manatdır. Dərəcələrə ayrılmış ödəmə sistemi tətbiq edilir və bir sutkalıq dayanacq 6 manatdan baha olmayacaq. Ödəniş xüsusi smart avtomatlarda həyata keçirilir.
Yeraltı dayanacağı idarə edən təşkilat barədə məlumat verilmir. Ancaq bunun Bakı şəhər İH olması da mümkündür.
Yeraltı keçiddə 14 lift quraşdırılıb. Parkın ətrafında 24 eskalatorun quraşdırıldığı 7 yeraltı keçib tikilib. Əlillər üçün 8 lift-eskalator fəaliyyət göstərir. 08D
İqtisadiyyat
-
Azərbaycanın iqtisadiyyatı gələn illərdə də artımını davam etdirəcək, lakin ING Qrupu və Birləşmiş Millətlər Təşkilatının (BMT) proqnozları bərpa sürətinə dair bir qədər fərqli baxışlar təqdim edir. Niderlandın ən böyük bank qurumu olan ING Qrupu, Azərbaycanın Ümumi Daxili Məhsulunun (ÜDM) müsbət artımını proqnozlaşdırır, BMT isə daha optimist bir görünüş təklif edir.
-
Azərbaycanda taksi minik avtomobillərinin orta yaşı 15-dən 7-yə düşüb. Bu barədə Azərbaycan Yerüstü Nəqliyyat Agentliyinin (AYNA) yaydığı məlumatda bildirilir. Agentlik bunu "islahatların nəticəsi" kimi dəyərləndirib.
-
Qazaxıstan, İrana və Azərbaycana taxıl ixracını bərpa etməklə beynəlxalq taxıl bazarlarında mövqeyini möhkəmləndirib. Bu barədə ölkənin Kənd Təsərrüfatı Nazirliyi məlumat yayıb.
-
Son illərdə Azərbaycan səssizcə dinamik bir startap ekosistemi formalaşdırıb və bu ekosistem artıq beynəlxalq səviyyədə maraq doğurmağa başlayıb. Rəqəmsal təhsil platformalarından aqrotexnologiya sahəsindəki innovasiyalara qədər bu startaplar ölkənin texnologiya və sahibkarlığa artan marağını əks etdirir. Dövlət dəstəyi, beynəlxalq əməkdaşlıq və cəsarətli sahibkarlıq vizyonunun birləşməsi bir neçə Azərbaycan startapını qlobal səhnəyə çıxarıb.
Rəy yaz