Baku Steel Company gücünü 1,1 mln tona çatdırır
Azərbaycanda metal məhsullarının əsas istehsalçısı olan “Baku Steel Company” MMC yenidənqurma işləri 25 sentyabrda başa çatandan sonra istehsal gücünü ildə 770 mindən 1,1 mln tona çatdıracaq.
Müəssisənin sahibi Rasim Məmmədovun adından yayılan məlumatda deyilir ki, bir neçə gün öncə BSC ilə Almaniyanın “Siemens VAİ” şirkəti arasında Hövsan limanında illik istehsal gücünün 750 min ton olan yeni metallurgiya zavodunun tikilməsi ilə əlaqədar müqavilə imzalanıb. Məhsulun bir hissəsi Azərboru” ASC-də xammal kimi istifadə olunacaq. Müqavilənin qiyməti 100 mln avrodur. Zavod Hövsanda olacaq və onun təmiri başa çatır.
“Baku Steel Company” MMC təmsilçisi ikinci böyük layihə olan - Gəncə Daşkəsən layihəsindən də danışıb. Dəyəri 1 milyard 200 milyon avro olan bu layihəyə əsasən illik istehsal gücü 3 milyon ton olacaq zavodun tikilməsi və 100 mindən çox iş yerinin açılması nəzərdə tutulur.
Bu ilin aprelində prezident İlham Əliyev «Azərbaycan Polad İstehsalı Kompleksi» QSC yaradılması barədə sərəncam imzalayıb. Daşkəsən Filizsaflaşdırma Kombinatı onun mülkiyyətinə verilib. Amma hələlik QSC qeydiyyata alınmayıb və rəhbərlik təyin edilməyib. 08D
-
- Cəmiyyət
- 22 Avqust 2013 13:02
İqtisadiyyat
-
Azərbaycan Dövlət Neft Fondu (SOFAZ) 2024-cü ilin yanvar-sentyabr dövründə Azəri-Çıraq-Günəşli (AÇG) yatağından 4,60 milyard ABŞ dolları gəlir əldə edib ki, bu da ötən ilin eyni dövrü ilə müqayisədə 12,1% azdır. 2023-cü ildə SOFAZ AÇG-dən 5,23 milyard ABŞ dolları gəlir əldə etmişdi. AÇG Azərbaycan neft yataqları arasında ən böyükdür.
-
Azərbaycan ilk ticarət forumunu bazar ertəsi günü kiçik və orta sahibkarlıq subyektlərinin (KOS) üzləşdiyi imkanlar və problemləri vurğulamaq məqsədilə təşkil etdi. “KOB-lar üçün imkanlar, mövcud vəziyyət və çağırışçılar” adlı forum dövlət və özəl sektorlar arasında dialoqun gücləndirilməsinə və beynəlxalq biznes əməkdaşlığının təşviq edilməsinə yönəlib.
-
Aqrar İslahatlara Dəstək İctimai Birliyinin rəhbəri Vahid Məhərrəmov Azərbaycanda artan istehlakçı qiymətləri ilə bağlı narahatlığını ifadə edərək, inflyasiya tendensiyasının ölkə üçün ciddi iqtisadi nəticələr doğura biləcəyini xəbərdar edib.
-
Azərbaycanın ipək istehsalı 2024-cü ilin ilk səkkiz ayında illik müqayisədə 32,9% azalaraq 239,4 ton təşkil edib. Bu barədə Dövlət Statistika Komitəsi məlumat yayıb. Azalma kənd təsərrüfatı üzrə ekspert Vahid Məhərrəmov qeyd etdiyi kimi, fermerlər arasında paylanan barama toxumlarının sayının azalması ilə əlaqələndirilir və bu, sektorda uzunmüddətli azalma meylini əks etdirir.
Rəy yaz