![«Bank Standard»ın əmanətçilərinə kompensasiyaların verilməsinə başlanılır](https://turan.az/resized/./turan-750-500-resize.webp)
«Bank Standard»ın əmanətçilərinə kompensasiyaların verilməsinə başlanılır
Oktyabrın 11-dən “Bank Standard”ın əmanətçilərinə kompensasiyaların verilməsinə başlanılacaq. Bu barədə Maliyyə Bazarlarına Nəzarət Palatasının məlumatında deyilir.
Turan xəbər verir ki, “Bank Standard”ın əmanətçilərinin sayının çox olmasını və əmanətçilər arasında social həssas təbəqələrin olmasını nəzərə alaraq Əmanətlərin Sığortalanması Fondu tərəfindən ilkin mərhələdə 20 min ABŞ dolları məbləğinə qədər olan qorunan əmanətlər üzrə kompensasiyaların ödənişi həyata keçiriləcək.
Qorunan əmanətlər öz valyutasında ödəniləcək. Bir əmanətçinin bir neçə valyutada əmanəti olduqda yəni, həm milli, həm də xarici valyutalar da əmanəti olduqda isə kompensasiyalar “Əmanətlərin Sığortalanması haqqında” qanuna müvafiq olaraq toplanılır və sığorta hadisəsi baş verən günü (4 oktyabr 2016-cı il) rəsmi məzənnəyə müvafiq olaraq manatla ödənilir.
Daha iri məbləğdə qorunan əmanətlər üzrə kompensasiyaların ödənişinə isə yaxın günlərdə başlanılacaq. Bu barədə əlavə məlumat veriləcək.Kompensasiyaların ödənişi “Bank Standard”ın baş ofisi daxil olmaqla, Bakı və regionlarda yerləşən 14 filialında həyata keçiriləcək.
Əmanətçilər 1 il ərzində müraciət edərək kompensasiyalarını ala bilərlər.
“Bank Standard”da əhalinin əmanətləri 603 mln. manat təşkil edir. Kompensasiya edilən həcm 460 mln. manatdır. Dollarla əmanətlər 175 mln., manatla 172 mln. təşkil edir. 71D
-
- Siyasət
- 11 Oktyabr 2016 11:29
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz