Azərbaycan Respublikasının Dövlət Şəhərsalma və Arxitektura Komitəsi 5 şəhərin baş planının hazırlanması üzrə müqavilə bağlayıb.
DŞAK-da Turan-a deyiblər ki, baş planlar şəhərlərin müfəssəl planlaşdırma layihəsi ilə birlikdə tərtib ediləcək. Layihə şirkətləri tenderlə müəyyən edilib. Hacıqabulun baş planı üzrə müqavilə “Azix” MMC, Siyəzən üzrə “Renesans Studio” MMC, Yardımlı üzrə “En&En” MMC, Zərdab üzrə “Arxin-M ltd” MMC və Zaqatala üzrə “Azərmemarlayihə” Dövlət Baş Layihə İnstitutu ilə bağlanılıb.
Azərbaycanda 77 şəhər var. Onlardan 11-i ermənilər işğal edib. 2009-2011-ci illərdə 12 şəhərin baş planı təsdiq olunub. Martda Şəki şəhərinin baş planı üzrə iş başa çatıb. Yaxın vaxtlarda onu Nazirlər Kabinetinə göndərəcəklər. İlin sonu üçün Gəncə, Xırdalan və Sumqayıtın baş planlarının işlənməsi başa çatmalıdır. 08B
İqtisadiyyat
-
Nazirlər Kabineti azad edilmiş ərazilərdə kənd təsərrüfatı torpaqlarının kənd və qəsəbə sakinlərinə güzəştli şərtlərlə icarəyə verilməsi ilə bağlı yeni qaydaları təsdiqləyib. Bu təşəbbüs kənd icmalarının dirçəldilməsinə və kənd təsərrüfatı istehsalının stimullaşdırılmasına yönəlib.
-
Azərbaycanın qlobal ticarətdə mövqeyini gücləndirmək istiqamətində əhəmiyyətli bir addım olaraq, Biznes Mühiti və Beynəlxalq Reytinqlər Komissiyasının "Beynəlxalq Ticarət" işçi qrupu videokonfrans keçirdi. Görüş zamanı əldə edilmiş irəliləyişlər müzakirə edildi və 2025-ci il üçün hədəflər müəyyənləşdirildi. Görüşdə əsas iştirakçılar arasında İqtisadiyyat nazirinin birinci müavini Elnur Əliyev, İqtisadi İslahatların Monitorinqi və Qiymətləndirilməsi Sektorunun rəhbəri Vüsal Şıxəliyev və Dövlət Gömrük Komitəsi sədrinin müavini Natiq Şirinov yer alıb.
-
Azərbaycanın İqtisadiyyat Nazirliyi və Azərbaycan İxracın və İnvestisiyaların Təşviqi Agentliyinin (AZPROMO) təşəbbüsü ilə bu həftə Bakıda mühüm ixracatçılar görüşü keçirildi. Tədbir hökumət rəsmiləri, sənaye liderləri və sahibkarları bir araya gətirərək, son bir il ərzində ixrac əməliyyatlarında əldə olunan irəliləyişi nəzərdən keçirmək və 2025-ci il üçün iddialı hədəflər müəyyənləşdirmək məqsədi daşıyırdı.
-
Dövlət Gömrük Komitəsinin məlumatına görə, bu ilin ilk on bir ayı ərzində Azərbaycan dəmir yolu ilə 6,96 milyon ton yük daşımış və bu yüklərin dəyəri 3,01 milyard dollar təşkil etmişdir. Bu, 2023-cü ilin eyni dövrü ilə müqayisədə həcm baxımından 4%, dəyər baxımından isə 10,1% azalma deməkdir.
Rəy yaz