![BMT Baş Assambleyası Avrasiya Rabitə Alyansının yaradılması ilə bağlı qətnamə qəbul edib](https://turan.az/resized/./turan-750-500-resize.webp)
BMT Baş Assambleyası Avrasiya Rabitə Alyansının yaradılması ilə bağlı qətnamə qəbul edib
Birləşmiş Millətlər Təşkilatının Baş Assambleyası Azərbaycan hökuməti tərəfindən irəli sürülmüş Avrasiya Rabitə Alyansının (Eurasian Connectivity Alliance - EuraCA) yaradılması ilə bağlı təşəbbüsü dəstəkləyən qətnamə qəbul edib.
Qətnamə “Trans-Avrasiya Super İnformasiya Magistralı (TASİM)”nın tikintisinin dəstəklənməsini nəzərdə tutur. Azərbaycan “EuraCA”nı yaratmaq təşəbbüsünü bu ilin avqustunda irəli sürüb və bu alyansın əsas məqsədi “TASİM” layihəsinin həyata keçirilməsi prosesini sürətləndirməkdir.
“TASİM” layihəsi Azərbaycanın 2008-ci ilin noyabrında telekommunikasiya və informasiya texnologiyaları üzrə “Bakutel-2008” beynəlxalq sərgi-konfransı çərçivəsində çıxış etdiyi əhəmiyyətli regional təşəbbüslərdən biridir.
Layihənin yaradılması ilə bağlı “Bakutel -2008” sərgi-konfransı çərçivəsində xüsusi bəyannamə qəbul edilib.
Layihənin məqsədi Qərbi Avropadan Şərqi Asiyaya qədər Avrasiya ölkələrini əhatə edən transmilli fiber-optik xəttin çəkilməsidir. Layihə Almaniyanın Frankfurt şəhərindən Çinin Honkonq şəhərinədək istiqamətlənən Çin, Qazaxıstan, Azərbaycan, Gürcüstan, Türkiyədən keçən tranzit xəttinin qurulmasını nəzərdə tutur. Bu xətt Avropanın və Asiyanın ən böyük informasiya mübadiləsi mərkəzlərini birləşdirəcək. Layihənin ehtiyat Şimal tranzit xətti Rusiya, Ukrayna və Polşadan keçəcək.
Xatırladaq ki, 2009-cu il dekabrın 21-də BMT Baş Assambleyasının 64-cü sessiyasında “TASİM” layihəsinə dair qətnamə qəbul edilib. 30 ölkə tərəfindən həmmüəllif qismində dəstəklənən və birlikdə qəbul edilən qətnamədə “TASİM”-in əlaqələndirilməsində Azərbaycanın xüsusi rolu qeyd olunub. 2012-ci il dekabrın 21-də BMT-nin Baş Assambleyasında “TASİM” layihəsi üzrə növbəti qətnamə yekdilliklə qəbul edilib. -03D-
-
- Siyasət
- 6 Sentyabr 2013 12:42
-
- İqtisadiyyat
- 6 Sentyabr 2013 13:43
İqtisadiyyat
-
Azərbaycan Hava Yolları (AZAL) bazar ertəsi günü Bakından Maldiv adalarının paytaxtı Male şəhərinə birbaşa uçuşların başladığını elan edib. Bu, aviaşirkətin tarixində bir ilk olaraq qeyd edilir.
-
Azərbaycanın energetika naziri Pərviz Şahbazov bazar ertəsi Rumıniya energetika naziri Sebastyan-İoan Burdujanın dəvəti ilə Rumıniyaya gəlib. Səfərin məqsədi, Azərbaycan, Gürcüstan, Rumıniya və Macarıstan nazirlərinin 8-ci görüşündə iştirak etməkdir. Bu görüş 3 sentyabr 2024-cü ildə Buxarestdə keçiriləcək və yaşıl enerjinin inkişafı və ötürülməsi ilə bağlı “Strateji Tərəfdaşlıq Sazişi”nin irəlilədilməsinə yönəlib.
-
Azərbaycan Prezidenti İlham Əliyev və Birinci Xanım Mehriban Əliyeva bazar ertəsi Kəlbəcər rayonundakı “İstisu” Tibb və İstirahət Kompleksində aparılan tikinti işləri ilə tanış olublar. Bu layihə, regionun tarixi mineral su və sağlamlıq turizmi sənayesini canlandırmaq məqsədi daşıyan mühüm bir layihədir.
-
Əvvəl xəbər verildiyi kimi, SOCAR sentyabrın 1-də Xorvatiyaya qaz tədarükünə başlayıb.
Rəy yaz