Borclulara qarşı bank iddialarına səbəb düzgün olmayan kredit siyasətidir

Banklar müştərilərlə məhkəmə çəkişmələrini davam etdirir. Təkcə bu həftə (http://femida.az/2013/06/03/banklarin-m%C9%99hk%C9%99m%C9%99-mubahis%C9%99l%C9%99ri-novb%C9%99ti-reytinq), 7 iyun da daxil olmaqla 82 iddiaya baxılacaq. 

Ötən həftə bankın müştəriyə qarşı kredit borcu və faizlərinin ödənilməsi, borcun girov predmetinə yönəldilməsi iddiası, kredit müqaviləsinə xitam verilməsi iddiaları vardı. sabiq əməkdaşın banka qarşı işə bərpa barədə iddiası da yer alırdı. 

Bu həftə evdən çıxarılma iddiası, müştərinin banka qarşı kredit və ipoteka müqaviləsinin etibarsız hesab edilməsi iddiası da əlavə olunub. Banklar borcun maaşla ödənilməsi imkanına barmaqarası baxır, Bakı qeydiyyatını əsas götürür. Regionlarda qeydiyyatda olan vətəndaşlar yüksək maaş barədə arayış versə də, kredit almaq şansları aşağıdır. 

“Kapital Bank”ın ehsabında 9, “Bank Technique”də 8 iddia var (bunun üçü “Texnikabank” adı ilədir). Ardınca “Unibank”, “Nikoyl”, “AG Bank” və 

“Royalbank” ASC gəlir – hərəyə 6 iddia. 

AMB-nin məlumatına görə (http://cbar.az/releases/2012/12/27/azrbaycan-respublikasnn-mrkzi-banknn-2013-c-il-n-pul-v-maliyy-sabitliyi), əhalinin istehlak kreditlərinə tələbatı artıb. Az istisna ilə bütün ailələr məişət texnikasını kreditlə alır. 

Təkcə “Bank of Baku”nun 1 mln 95 min 795 istehlak krediti alan müştərisi var. --17D—