ВР şirkəti Bakı 2015 Avropa Oyunlarının Əməliyyat Komitəsi (BEGOC) ilə əməkdaşlıq sazişi imzalayıb. Sazişi Bakı 2015 Avropa Oyunlarının Əməliyyat Komitəsinin (BEGOC) baş icraçı direktoru, gənclər və idman naziri Azad Rəhimov və BP şirkətinin Azərbaycan Gürcüstan və Türkiyə üzrə regional vitse-prezidenti İan Saderlənd imzalayıblar. Sazişə əsasən, BP həmçinin Azərbaycanda yüksək dərəcəli idmançıların hazırlanmasına dəstək verəcək.
Azad Rəhimovun sözlərinə görə, BP şirkəti uzun illərdi Azərbaycanda fəaliyyət göstərir və ölkəni dərindən tanıyır: "BP bütün dünyada böyük beynəlxalq idman tədbirlərinin dəstəkənməsində böyük təcrübəyə malikdir və biz onu Avropa Oyunlarının rəsmi tərəfdaşı kimi qəbul etməkdən məmnunluq duyuruq. Mən əminəm ki, BP-nin dəstəyi bu oyunların Azərbaycan və Avropa boyunca dəstəklənməsinə yardım edəcək, eləcə də idmançılarımızın ən yüksək nəticələr qazanmaq üçün daha da inkişaf etdirilməsinə köməklik edəcək". BEGOC Əməliyyat Komitəsi yaxın vaxtlarda Avropa Oyunlarına maraq göstərən 5-6 şirkətlə saziş imzalayacaq. Avropa Oyunlarının 18 sponsoru olacaq.
BP-nin vitse-prezidenti İan Saderlənd deyib ki, bu təşəbbüs yüzlərlə Azərbaycan gəncinin yeni bacarığa və biliklərə yiyələnərək ölkənin potensialına töhvə verməsi üçün gözəl bir imkandır. "BP şirkəti Azərbaycanın bacarıq və potensiallarının yaradılması istiqamətində göstərdiyi ümumi səyləri gücləndirəcək və layihələrin həyata keçirilməsində böyük bir təcrübəni miras qoyacaq bu təşəbbüsü dəstəkləməkdən məmnunliq duyur. Azərbaycan yığmasının London Olimpiadasında iştirakını dəstəklədik, Olimpiya və Paralimpiya Komtələri ilə əməkdaşlıq müddətini 2016-cı ilə uzatdıq», - deyə o qeyd edib.
Bakı Avropa Oyunlarının baş əməliyyat direktoru Saymon Kleq bildirib ki, BP-nin iştirakı Bakı Avropa Oyunlarına necə böyük əhəmiyyət verdiyini göstərir.
Bakı Avropa Oyunları 12-28 iyun 2015-ci ildə 19 idman növü üzrə keçiriləcək. Doqquz idman növündə 2016-cı ilin Olimpiya Oyunlarına lisenziya veriləcək. Oyunlarda 49 ölkədən 6 mindən çox idmançı iştirak edəcək. Bakı Avropa Oyunlarında 1 mln-dan çox izləyici olacağı gözlənilir. –17D—
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz