![Broylerlərin süni şişirdilməsi naməlum şəxslərin fitnəkarlığıdır](https://turan.az/resized/media/2015/main/021800107001-750-500-resize.webp)
- İqtisadiyyat
- 18 Fevral 2015, 15:55
- 89
Broylerlərin süni şişirdilməsi naməlum şəxslərin fitnəkarlığıdır
Bu gün Respublika Quşçular Cəmiyyəti (RQC) aparıcı broyler təsərrüfatlarının rəhbərlərinin iştirakı ilə fövqəladə mətbuat konfransı keçirib. Tədbir naməlum şəraitdə broyler toyuqların şişirdilməsi barədə sosial şəbəkələrdə yayılan çarx ətrafında ajiotaja həsr olunub.
«Yerli TV-lərdə yayımlanan, naməlum şəraitdə çəkilmiş videoçarx quşçuluq təsərrüfatlarına qarşı fitnəkarlıqdır, istehlakçılar arasında çaşqınlıq yaradır, müəssisələrin işgüzar imicinə ziyan vurur», - deyə RQC rəhbəri Aydın Vəliyev bildirib. Onunn sözlərinə görə, broyler istehsalından xəbərdar olmayan bir çox istehlakçılar bu yalan informasiyalara inanıb və quşçuluq məhsullarının satışı 20%, bəzi təsərrüfatlarda 30% azalıb.
Antiinhisar Siyasəti və İstehlakçıların Hüquqlarının Müdafiəsi Dövlət Xidməti, Dövlət Baytarlıq Xidməti, Standartlaşdırma, Metrologiya və Patent üzrə Dövlət Komitəsinin nümayəndələri deyiblər ki, onlar ölkədəki broyler təsərrüfatlarının fəaliyyətinə ciddi nəzarət edir. Yemlər, yem əlavələri və hazır məhsullar laboratoriya analizindən keçir. Yemlərdə GMO müəyyən edilməyib.
«Şayiələrə görə, broyler təsərrüfatlarından hormonal yemlərdən istifadə olunur. Hansı hormonlardan danışıldığı açıqlanmır, çünki bunun elmi əsası yoxdur», deyə “Cəlilabad Broyler” ASC-nin sədri Tofiq Tağıyev bildirib.
«Burda yığışan broyler təsərrüfatlarının rəhbərləri, ailələrimiz istehsal etdiyimiz quş ətindən yeyir. Sosial şəbəkə və efirdə yayılan fitnəkar süjet bu sahədə çalışan minlərlə ailənin gəlirlərinə zərbə vurur», deyə “Qaraqaşlı Broyler” rəhbəri Ərəstun Abbasov bildirib.
Mütəxəssislərin fikrincə, ölkədə adambaşına 10 kq quş ətindən istifadə edilir. Ölkədə quş ətinə tələbat 100 min tondur. Bunun 92%-i yerli istehsal təmin edir. 40-a yaxın broyler təsərrüfatı 64 min ton məhsul istehsal edir. Bu müəssisələrin istehsal gücü ölkənin illik tələbatına uyğundur. Bu müəssisələrə dövlət 110 mln manat güzəştli kredit ayırıb.
Bu həftə RQC jurnalistlərin broyler təsərrüfatlarına ilk səfərini təşkil edəcək. Məqsəd onları istehsal prosesi ilə tanış etməkdir. 08C
-
- Siyasət
- 18 Fevral 2015 15:49
-
- İqtisadiyyat
- 18 Fevral 2015 15:58
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz