Bu il əmtəə idxalı $5 mlrd-a düşə bilər

Yanvardakı mal idxalı həcmini nəzərə alıb demək olar ki, 2016-cı ildə bu həcm $5 mlrd təşkil edə bilər, deyə bu gün (29 yanvar) Gömrük Komitəsinin sədr müavini Səfər Mehdiyev jurnalistlərə bildirib.

Onun sözlərinə görə, 2016-cı il üçün ilkin idxal proqnozu $9 mlrd olub. Bu, ötən ilkindən $0,2 mlrd azdır. Amma bu proqnoza yenidən baxıla bilər.

DGK sədri Aydın Əliyev isə hesab edir ki, hələlik nəticə çıxarmaq üçün tezdir. Onun fikrincə, bu ildən investisiya təyinatlı malların idxalına vergisiz rejim tətbiq edildiyi üçün idxal arta da bilər.

DGK hökumətə müraciət edib ki, bəyannamə qiyməti $1000-dan az olan poçt bağlamaları idxal rüsumuna cəlb edilsin. DGK-ya görə, 2015-ci ilin yanvar-oktyabrında 2,5 ton belə beynəlxalq göndəriş qeydə alınıb. Bir qayda olaraq, bu göndərişlərdən ayrı-ayrı malların idxalı üçün istifadə edilir, deyə Aydın Əliyev hesab edir. O, mobil telefonları nümunə göstərib. Onların leqal idxalı ilə bəyan edilməyən həcmin onda biri qədərdir. «1 kq belə poçt göndərişinin qiyməti $250 qiymətləndirilsə, böyük həcmdə nəzarət edilməyən idxalla qarşılaşırıq», deyə Aydın Əliyev qeyd edib.

DGK-nın mətbuat konfransında idxal mallarının gömrük rüsumu və ƏDV-ə cəlb edilməsinə də aydınlıq gətirilib. Bəzi sahibkarlar onun malın qiymətinin 36%-i qədər olmasından narazıdır və bildirirlər ki, əvvəllər az ödəyiblər. «Qoy bu biznesmenlər bizə müraciət etsin, buna necə nail olduqlarını araşdırarıq», deyə Aydın Əliyev çoxmənalı şəkildə bildirib.

Sərhədi keçən bütün mallar hesab faktura əldə edir. Bu fakturalar idxalçılara malı satan zaman ƏDV üzrə dövlət büdcəsi ilə qarşılıqlı hesab həyata keçirməyə imkan verir. 08С