Cənubi Qafqaz qaz kəməri ilə qaz nəqli bərpa edilib, deyə Gürcüstan Neft və Qaz Korporasiyasında REGNUM-a bildiriblər.
Hazırda (8 fevral axşam - Turan) Gürcüstan gündə 2,5 mln m3 əvəzinə “Şahdəniz”dən 1,8 mln m3 qaz alır.
Cənubi Qafqaz qaz kəməri ilə (Bakı-Tbilisi-Ərzurum) qaz nəqli 7 fevralda Səngəçal terminalında yaranan problemlə bağlı dayandırılmışdı. 8 fevral səhəri problem həll edilib, vəziyyət 10 fevral üçün tam düzələcək. Bundan sonra Gürcüstan və Türkiyəyə qaz adi rejimdə veriləcək.
Neft və Qaz Korporasiyasında bildirirlər ki, qaz nəqli dayansa da, Gürcüstan əhalisinin qaz təchizatında problem olmayıb. Gürcüstan distribütorları başqa qaz kəmərlərindən (Hacıqabul-Qardabani, ARDNŞ-nin balansındadır –Turan) əlavə qaz alıblar.
Cənubi Qafqaz qaz kəməri ilə “Şahdəniz” qazı Gürcüstan və Türkiyəyə nəql edilir. BTƏ-nin uzunluğu 692 km-dir. 2006-cı ildə istismara verilib. Bu il Qardabani yaxınlığında 12 km-lik qaz kəməri tikintisi başa çatıb. O, BTƏ-ni Gürcüstanın qaz təchizatı sistemi ilə birləşdirir. –12D--
İqtisadiyyat
-
Azərbaycan Prezidenti İlham Əliyev bazar ertəsi günü sosial rifahın yaxşılaşdırılmasına yönəlmiş sərəncam imzalayıb. Sərəncama əsasən, ölkədə minimum aylıq əməkhaqqı 1 yanvar 2025-ci ildən etibarən 400 manat (235 ABŞ dolları) müəyyən edilib.
-
Türkiyə şirkətləri YDA və ASFAT Qazaxıstanın Kurık limanı yaxınlığında gəmiqayırma zavodu tikməyi planlaşdırır. Bu təşəbbüs Qazaxıstanın daxili donanma çatışmazlığını həll etmək məqsədini daşıyır. Qazaxıstanın Nəqliyyat Naziri Marat Karabayev bu barədə bazar ertəsi parlament sessiyasında məlumat verib. Layihə, Qazaxıstanın dəniz imkanlarını və logistika infrastrukturunu gücləndirmək ambisiyalarını vurğulayır.
-
Qazaxıstanın Nəqliyyat Naziri Marat Karabayev ölkənin Avrasiyada aparıcı nəqliyyat və logistika mərkəzinə çevrilməsi üçün cəsarətli yol xəritəsini təqdim etdi. Bazar ertəsi parlamentdə çıxış edən Karabayev, Şərq-Qərb və Şimal-Cənub dəhlizləri arasında illik 1 trilyon dollarlıq yük axınından pay almaq strategiyalarını ətraflı izah etdi.
-
ASCO-ya məxsus təmir olunmuş “Şahdağ” bərəsi Azərbaycan-Kazaxıstan marşrutu üzrə fəaliyyətini bərpa edərək Xəzər dənizinin hər iki tərəfindəki limanlarda yük maşınlarının sıxlığını azaltmağı hədəfləyir.
Rəy yaz