Bu ilin I yarısında Azərbaycanda 97 669 daşınmaz əmlak obyektinə mülkiyyət hüququ qeydiyyata alınıb. Bu, ötən ilin eyni dövründəkindən 19,1% çoxdur.
Əməliyyatların əsas hissəsi təkrar bazarın payına düşür – 70,2 min. Bu il “Sovetski” adlanan ərazidə bir neçə min ev sökülüb. Daşınmaz əmlak dövlət ehtiyacı üçün alınır və bu ərazi abadlaşdırılacaq. Daşınmaz əmlak bazarında aktivlik bununla da izah edilə bilər.
İlin əvvəlindən 84 min daşınmaz əmlak obyektinin texniki sənədi tərtib edilib. Bu, ötən ilin eyni dövründəkindən 13,8% çoxdur.
Əmlak girovu da artıb. Bu ilin I yarısında 21 060 obyekt girov predmeti olub. Bu, ötən ilin eyni dövründəkindən 2 000 çoxdur. --08D—
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz