![Idxal-ixrac əməliyyatları üçün tələb olunan sənədlər bir neçə dəfə azaldılıb](https://turan.az/resized/media/2014/main/072500085173-750-500-resize.webp)
Idxal-ixrac əməliyyatları üçün tələb olunan sənədlər bir neçə dəfə azaldılıb
Azərbaycanda idxal-ixrac əməliyyatları üçün tələb olunan sənədlərin sayı bir neçə dəfə azaldılıb. Noyabrın 1-dən mal və nəqliyyat vasitəsinin gömrük nəzrətindən keçməsi üçün cəmi 3 sənəd təqdim ediləcək.
24 iyun 1997-ci ildən qüvvədə olan “Azərbaycan Respublikasında idxal-ixrac əməliyyatlarının tənzimlənməsi Qaydaları”na dəyişikliyə əsasən ixrac əməliyyatlarında ixracatçı gömrüyə 8, idxal əməliyyatlarında 11 sənəd təqdim etməlidir. Dövlət başçısı bu il iyulun 9-da bu sənədə dəyişiklik edib. İyulun 22-də Nazirlər Kabineti “Gömrük sərhədindən keçirilən malların və nəqliyyat vasitələrinin bəyan edilməsi Qaydaları” haqqında 263 nömrəli qərar qəbul edib. Ona əsasən, xarici ticarət əməliyyatı iştirakçısı yazılı və elektron formada bu sənədləri təqdim etməlidir:
- gömrük bəyannaməsi ilə birgə nəqliyyat sənədləri;
- xarici ticarətin həyata keçirilməsini təsdiq edən müqavilə;
- şəxsin mallar barədə sahiblik, istifadə və (və ya) sərəncamvermə hüquqlarını təsdiq edən sənəd.
Qərar dövlət başçısının “Sahibkarlığın inkişafı ilə bağlı əlavə tədbirlər haqqında” 3 mart 2014-cü il tarixli 119 nömrəli Fərmanının icrası üçün qəbul edilib. Fərman ölkədə sahibkarlıq fəaliyyətinin dövlət tənzimlənməsinin təkmilləşdirilməsi və əlverişli biznes mühitinin formalaşdırılması məqsədini güdür. Maraqlıdır ki, nə prezidentin 9 iyul tarixli fərmanı, nə də Nazirlər Kabinetinin 22 iyul tarixli qərarı mətbuatda və onların saytında dərc edilməyib. 08D
-
- İqtisadiyyat
- 25 İyul 2014 12:36
-
- İqtisadiyyat
- 25 İyul 2014 12:40
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz