Dövlət Tibb Universiteti yanğından əmlakına dəyən ziyana görə kompensasiya almayacaq. Çünki sığorta edilməyib. Əmlak məsələləri üzrə prorektor icbari sığortadan imtinanın səbəbini jurnalistlərə şərh etməkdən imtina edib.
Xatırladaq ki, martın 1-də Universitetin yataqxanasında yanğın olmuşdu. 15 m2 sahədə konstruksiyalar belə yanıb, amma FHN-ə görə qonşu otaqlar ziyan çəkməyib.
«İcbari sığorta haqqında» qanun 2011-ci ildə qüvvəyə minib, 2013-cü ildə əlavə və düzəlişlər edilib. Düzəlişə əsasən, fiziki və hüquqi şəxslərin tikililəri, yaşayış və qeyri-yaşayış yerləri, evlər və binalar, mənzillər sığorta edilməlidir.
Hazırda ölkədə hökumət və dövlət strukturlarının balansında olan sığortalanmamış minlərlə tikili var.
2010-cu ilin daşqını zamanı on minlərlə ailə əmlakını itirdi. Şimal rayonlarında zəlzələ zamanı da belə oldu. Hökumət zərər çəkənlərə ya kompensasiya vermədi, ya da cüzi məbləğdə verdi. Hələ də məhkəmə çəkişmələri davam edir.
Vətəndaşlara qarşı sərt olan hakimiyyət hökumət təşkilatlarını sığorta müqaviləsi bağlamağa məcbur etmir.
Daşınmaz əmlakın icbari sığortası daşınmaz əmlakın yanğın və ya digər hadisələr nəticəsində zədələnməsi, məhv olması, yaxud hər hansı formada itkisi ilə bağlı dəyən zərərin əvəzinin ödənilməsi məqsədi ilə tətbiq edilir. Bu məqsədlər üçün hüquqi və fiziki şəxslərə məxsus tikililərin, yaşayış və qeyri-yaşayış sahələrinin, yaşayış evləri, binalarının və mənzillərin, habelə dövlət əmlakının sığortası icbaridir. Yaşayış binalarının, yaşayış evlərinin və mənzillərin icbari sığortası onların konstruktiv elementlərinə, otaqlarına, o cümlədən şüşələr də daxil olmaqla qapı və pəncərə konstruksiyalarına, su, kanalizasiya və qaz təchizatına, habelə istilik sisteminə aid borulara, rabitə, elektrik və digər naqillərinə, bəzək elementlərinə, o cümlədən bütün növ xarici, yaxud daxili mala və suvaq işlərinə, divar, tavan və döşəməyə dəyən zərərlərə təminat verir.
Qanunsuz tikililər, sökülməli qərarı olanlar, yarımçıq və qəzalı tikililər sığorta edilmir. --17D—
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz