![Dövlət büdcəsi profisitlə icra olunub](https://turan.az/resized/750/500/resize/media/2013/main/071900043061.jpg)
Dövlət büdcəsi profisitlə icra olunub
İlin I yarısında Azərbaycanın dövlət büdcəsi 795 mln manat profisitlə icra edilib.
“Altı ayda büdcə gəlirləri 9525 mln olub və proqnozu 13,4% keçib.Bu, ötən ilin eyni dövründəkindən 1391 mln və ya 17% çoxdur. Xərclər 102,4% icra edilib və 8730 mln manat təşkil edib”, - deyə maliyyə naziri Samir Şərifov iyulun 18-də prezident İlham Əliyevin sədrliyi ilə Nazirlər Kabinetinin 2013-cü ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunmuş iclasda bildirib.
Əhalinin gəlirləri 7,1% artıb, inflyasiya 2% olub. Orta aylıq maaş 408,8 manat (ötən ilin eyni dövrü ilə müqayisədə +6,8%) təşkil edib. Qaçqınlar və məcburi köçkünlərin ehtiyacları üçün 283 mln manat (158 mln – ARDNF-dən transfert, 111 mln – dövlət büdcəsindən cari və əsaslı xərclər və 14 mln – Prezidentin Ehtiyat Fondundan) xərclənib. Keçmiş SSRİ Əmanət Bankının əmanətçiləri 1 iyun 2012-ci ildən 597 mln manat kompensasiya alıb. Bunun 42 mln manatı son 6 ayda ödənilib.
Büdcədən investisiya xərcləri 3 mlrd 449 manat (+37,2%) olub. Bunun 730 mln manatı sosial, elmi, mədəni, idman obyektlərinin tikintisi və yenidən qurulmasına yönəldilib.
Nəqliyyat, energetika, su və qaz təchizatı, kommunal xidmət və meliorasiya üçün 2 mlrd 129 mln manat ayrılıb. Nəqliyyat Nazirliyi daha çox (858 mln manat) vəsait alıb. «AzərSu» 430 mln manat, Bakı Metropoliteni 326 mln manat əldə edib. Meliorasiya və suvarma işləri üçün 187 mln manat, “Azərenerji”yə 100 mln, «Azal» QSC-yə 93 mln, regionların inkişafı proqramı üçün 80 mln manat ayrılıb.
Regionlara 563 mln manat, o cümlədən Naxçıvan MR-a 139 mln manat yönəldilib. Prezidentin Ehtiyat Fondundan regionlara daha 200 mln manat ayrılıb.
Cins mal-qara, kənd təsərrüfatı texnikası, aqrokimya məhsulları alınması üçün 37 mln manat köçürülüb. “Aqrolizinq” ASC-yə 60 mln, o cümlədən Prezidentin Ehtiyat Fondundan 25 mln manat ayrılıb. 6 ayda 2 min 66 sahibkara 180 mln manat güzəştli kredit ayrılıb. Bunun 130 mln manatı büdcə vəsaitidir. --17D—
-
- Cəmiyyət
- 19 İyul 2013 11:21
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz