Dövlət əmlakının özəlləşdirilməsi və idarə edilməsi üzrə elektron xidmətlərin təqdimatı kçeirilib

Sentyabrın 12-də Əmlak Məsələləri Dövlət Komitəsi tərəfindən Kütləvi İnformasiya Vasitələri üçün “Dövlət əmlakının idarə edilməsi və hərracların təşkili: müasir yanaşmalar və elektron xidmətlər”mövzusunda ictimai təqdimat keçirib.

ƏMDK-nin sədr müavini Rüstəm Şahbazov qeyd edib ki, qurum 2012-ci ildən elektron xidmətlər göstərir. Bu gün xidmət sayı 29-a çatıb. Bunun 25-i interaktivdir. Xüsusi elektron xidmət portalı yaradılıb (www.e-emdk.gov.az). Bütün elektron xidmətlər elektron hökumət portalına inteqrasiya olunub.

Dövlətin xeyrinə müsadirə edilən alışlar, kiçik dövlət müəssisələrinin, yarımçıq tikililərin, avtonəqliyyat vasitələrinin, qeyri-yaşayış sahələrinin özəlləşdirilməsi, həmçinin özəlləşdirilən SC-lərin səhmlərini alma qistəyənlər elektron ərizə verə bilər.

2014-cü ildən ƏMDK dövlət müəssisələri və dövlətin payı olan SC-lərin hesabatını elektron formada qəbul edir. 6000-dən çox belə müəssisədən 2200-ü hesabatını elektron formada verib.   

ƏMDK Hərrac Mərkəzinin direktoru Əli Abdullayev qeyd edib ki. 51 hərracda iddiaçılardan 158 elektron ərizə qəbul edilib. Bu, müraciətlərin 77%-dir.

Jurnalistlər elektron müraciət proseduru ilə tanış olublar.

ƏMDK təmsilçisi Turan-ın özəlləşdirmə sahəsində elektron xidmətlərin genişləndirilməsi barədə sualına cavab olaraq deyib ki, ixtisaslaşdırılmaış pul hərraclarında, torpaq hərraclarında iştiraka şərait yaraılması ilə siyahı genişləndirilə bilər. Qurumun sədr müavini investisiya müsabiqələrində elektron xidmətlərin tətbiqi imkanını istisna edib. Çünki bu halda məxfilik zəmanəti azalır.

Qeyd edək ki, özəlləşmədə elektron xidmətlər yalnız vaxta qənaətə kömək edir. Yenə hərraclarda rəqabət yoxdur, qaliblər isə start qiyməti ilə yeganə iştirakçı olur. 08C