Bakı/29.09.17/Turan: Sentyabrın 28-də korrupsiyaya qarşı mübarizə üzrə "Şəffaflıq-Azərbaycan" QHT-nin keçirdiyi dəyirmi masada Azərbaycanda dövlət satınalmalarına ictimai nəzarətin və yerli sahibkarların satınalmada iştirakla bağlı məlumatlarının artırılması məsələləri müzakirə edilib.
Bu təşkilatın ekspertləri Elvin Yusifli və Aytən Əlizamanlı dövlət satınalmalarına ictimai nəzarətin təmin edilməsi sahəsində problemlərin öyrənilməsi üzrə tədqiqatın nəticələrini və bununla bağlı hazırlanmış tövsiyələri təqdim ediblər. Həmçinin "Dövlət satınalmalarında iştirak edən sahibkarlar nəyi bilməlidirlər?" adlı məlumat kitabçasının ilkin versiyası təqdim edilib.
Dəyirmi masa arxasında Antiinhisar Siyasəti və İstehlakçıların Hüquqlarının Müdafiəsi Dövlət Xidməti, Maliyyə Bazarlarına Nəzarət Palatası, Baş Prokuror yanında Korrupsiyaya qarşı Mübarizə Baş İdarəsi, Dövlət Statistika Komitəsi, Nəqliyyat, Rabitə və Yüksək Texnologiyalar Nazirliyi və digər dövlət orqanlarının əməkdaşları, həmçinin, vətəndaş cəmiyyəti nümayəndələri toplaşıb.
Tədbir Niderland Xarici İşlər Nazirliyinin maliyyə dəstəyi ilə Avrasiya Əməkdaşlıq Fondu tərəfindən icra olunan "Azərbaycanda İnsan Haqları, Demokratikləşmə və Yaxşı İdarəetmənin Təşviqi" Proqramının komponentlərindən biri - "Dövlət satınalmalarının şəffaflığının artırılması" layihəsi çərçivəsində təşkil edilib.--0--
İqtisadiyyat
-
Azərbaycan, “Paşa Holding” dəstəyi ilə və Kiçik və Orta Sahibkarlığın İnkişafı Agentliyi (SME), Azərbaycan Gömrük nümayəndəliyi və Logistika Şirkətləri Assosiasiyası tərəfindən birgə təşkil olunan Ticarət Forumuna 1 Oktyabrda ev sahibliyi edəcək.
-
İlk Mərkəzi Asiyada enerji keçidi üzrə İnvestisiya Forumu 15-16 Noyabr tarixlərində Azərbaycan paytaxtı Bakı şəhərində keçiriləcək. Forum, Birləşmiş Millətlər Beynəlxalq Bərpa Olunan Enerji Agentliyi (IRENA) və Azərbaycan Enerji Nazirliyi tərəfindən COP29 konfransının bir hissəsi olaraq təşkil olunur.
-
Sentyabrın 19-20-də Bakıda keçirilən dəmir yolu administrasiyalarının məsləhət toplantısında "Azərbaycan Dəmir Yolları" QSC-nin (ADY) sədri Rovşən Rüstəmov "TCDD Taşımacılık" Türkiyə Dövlət Dəmir Yolları şirkətinin baş direktoru və idarə heyətinin sədri Ufuk Yalçın ilə görüşüb. Bu il ikinci dəfə keçirilən görüşdə rəsmilər Azərbaycan və Türkiyə arasında dəmir yolu nəqliyyatı sahəsində əməkdaşlığın genişləndirilməsi məsələlərini müzakirə ediblər.
-
İqtisadi İslahatların Təhlili və Kommunikasiya Mərkəzi (CAERC) cari ilin birinci yarısına dair "Azərbaycan Respublikasının işğaldan azad edilmiş ərazilərinə Böyük Qayıdış üzrə I Dövlət Proqramı"nın icrası ilə bağlı monitorinq və qiymətləndirmə prosesini başa çatdırıb. Bu dövlət proqramı 2020-ci ildə Qarabağ münaqişəsi zamanı geri qaytarılmış ərazilərdə infrastrukturun bərpası və məcburi köçkünlərin məskunlaşdırılmasına yönəlib.
Rəy yaz