Dövlət Statistika Komitəsinə görə dövlət büdcəsinin yerinə yetirilməsi

Noyabrın 1-nə dövlət büdcəsinin profisiti 1 mlrd. 925,9 mln. manat (ÜDM-in 3,9%-i) təşkil edib. Tam bu qədər vəsaitdən istifadə edilməyib, bu barədə Turan-a Dövlət Statistika Komitəsindən bildiriblər.

Rəsmi statistikaya görə, 10 ay ərzində dövlət büdcəsinin gəliri 15 mlrd. 786,7 mln. manat (ötən il noyabrın 1-dən 2,8% az), xərclər 13 mlrd. 860,8 mln. manat (1,1% az) təşkil edib.

Gəlirlər maddəsində Dövlət Neft Fondundan transferlərin yeri göstərilməyib, lakin ARDNF-nin öz statistikasında bildirilir ki, üç rüb ərzində büdcə boşluqlarının doldurulmasına 7,4 mlrd. manat göndərilib. Mənfəət vergisi üzrə daxilolmalar 2 mlrd. 145,3 mln. manat, ƏDV 2 mlrd. 512,4 mln. manat, gəlir vergisi üzrə 790,7 mln. manat, aksizlər üzrə 688 mln. manat təşkil edib. Qalan gəlirlər "digər vergi növləri və daxilolmalar" üzrə olub.

Ekspertlərin fikrincə, oktyabrın sonlarına doğru profisit adi haldır. İlin yekunlarına görə Maliyyə Nazirliyi büdcə defisiti haqqında hesabat verəcək. Təcrübə göstərir ki, büdcə təşkilatları son rübdə fəallaşaraq, büdcə vəsatilərinin üçdə birindən çoxundan istifadə edir. Belə bir həcmi işlətməyə necə müvəffəq olduqları ictimaiyyət üçün müəmmadır, rəsmi yoxlama orqanları isə şübhələrini bölüşmürlər.

2014-cü il üçün Azərbaycan dövlət büdcəsi 18 mlrd. 384 mln. manat gəlir, 20 mlrd. 63 mln. manat xərclərlə təsdiq edilib. Dövlət büdcəsinin defisiti 1 mlrd. 679 mln. manat və ya ÜDM-in 2,87%-i səviyyəsində proqnozlaşdırılır. -17D-