"Dövlətin elektron xidmətləri vətəndaşlar üçün daha əlçatan olmalıdır", ASAN nümayəndəsi
Vyana/06.12.18/Turan: Azərbaycan elektron hökumət, rəqəmsal iş, ximdmətlər formatına keçid istiqamətində böyük iş görüb. Bu barədə Vyanada "Şərq Tərəfdaşlığı"nın biznes-forumunda "İnformasiya texnologiyaları və rəqəmsal bazarlar" mövzusunda paneldə çıxış edən Vətəndaşlara Xidmətlərin Göstərilməsi və Sosial İnnovasiyalar üzrə Dövlət Agentliyi (ASAN) nəzdində elektron hökumət və rəqəmsal innovasiyalar şöbəsinin baş məsləhətçisi Adil Ələkbərov bildirib.
O qeyd edib ki, ölkədə rəqəmsal texnologiyaların təcrübədə tətbiq edilməsinin uğurlu nümunəsi vergi sistemi, "ASAN imza"dır (elektron imza).
"Rəqəmsal texnologiyalar Azərbaycan mallarının, məhsullarının ixracı sektorunda da tətbiq edilir. Bu mənada "azeksport" saytının işini qeyd etmək lazımdır. Onun vasitəsilə Azərbaycan məhsullarını ixrac etmək olar. Son vaxtlar "Azerpoçt" da analoji xidmətlər göstərməyə başlayıb", deyə o bildirib.
A.Ələkbərov bildirib ki, birinci dərəcəli vəzifə dövlətin elektron portallarını və onların göstərdiyi xidmətləri vətəndaşlar üçün daha əlçatan etməkdir.
Bu zaman o qeyd edib ki, biznes-forum və forum çərçivəsində ikitərəfli görüşlər sayəsində Azərbaycan tərəfi digər ölkələrdən olan həmkarlarının təcrübəsini öyrənərək, informasiya texnologiyaları sektorunda mövcud boşluqları doldurmaq niyyətindədir.
Qeyd edək ki, paneldə vahid rəqəmsal bazarın imkanları, genişzolaqlı rabitə və özəl sektora investisiyalar da təqdimat və qrup şəklində müzakirə mövzuları olub. -71D-
İqtisadiyyat
-
4 noyabr tarixində keçirilmiş "COP29 Fəaliyyət Proqramı: Enerji Təşəbbüsləri və Öhdəliklər" adlı virtual konfransda BMT-nin Sənaye İnkişafı Təşkilatının (UNIDO) eksperti Smita Fokiya COP29-da hidrogen və 2030-cu ilə qədər bərpa olunan enerji güclərinin üçqat artırılması ilə bağlı beynəlxalq öhdəliklərin qəbul edilməsinin vacibliyini vurğulayıb.
-
4 noyabrda Azərbaycan Energetika Nazirliyinin, Beynəlxalq Bərpa Olunan Enerji Agentliyinin (IRENA), Beynəlxalq Enerji Agentliyinin (IEA) və BMT-nin ixtisaslaşmış qurumları—UNIDO (BMT-nin Sənaye İnkişafı Təşkilatı) və UNECE (BMT-nin Avropa ilə iqtisadi əməkdaşlıq üzrə strukturu) təşəbbüsü ilə COP29-a hazırlıq məqsədilə “COP29 Fəaliyyət Proqramı: Enerji Təşəbbüsləri və Öhdəlikləri” adlı virtual konfrans keçirildi. Konfrans zamanı Azərbaycanın Energetika nazirinin müavini Orxan Zeynalov Azərbaycan tərəfindən COP29-un sədri olaraq gələn həftə BMT-nin İqlim Sammitində Bakıda imzalanması üçün təklif edilən üç enerji təşəbbüsü-bəyannaməni elan etdi.
-
Nazirlər Kabineti 1 may 2023-cü il tarixli, 2130 nömrəli Prezident Fərmanı əsasında “Tibbi Ərazi Bölmələrini İdarəetmə Birliyinin (TƏBIB) Nizamnaməsi”nin təsdiq edilməsi ilə əlaqədar bir sıra qərarlarda dəyişiklik edilməsi barədə qərar qəbul edib. Bu dəyişikliklər TƏBIB-ə digər səhiyyə qurumlarından məsuliyyətlərin keçirilməsi ilə əlaqədar müxtəlif dövlət tənzimləmələrində struktur dəyişikliklərinin tətbiqini hədəfləyir.
-
Bu ilin yanvar-sentyabr aylarında Bakı şəhərinin ticarət və xidmət sektorları güclü artım göstərərək, paytaxtın geniş iqtisadi dəyişikliklər fonunda dayanıqlılığını vurğuladı. Rəsmi məlumatlara görə, ticarət dövriyyəsi illik müqayisədə 4,9% artaraq 24,95 milyard manata çatıb. Bu genişlənmə həm istehlak xərclərinin mülayim artımını, həm də şəhərin kommersiya mərkəzi kimi davamlı rolunu əks etdirir.
Rəy yaz