2015-ci ildə 26, 638,84 ton düyü idxal edilib ki, bu da ötən ildə olduğundan 4,3 dəfə çoxdur. Bu barədə Dövlət Statistika Komitəsinin (DSK) məlumatında deyilir.
Təkcə 2015-ci ilin dördüncü rübündə Azərbaycana 6586,49 ton düyü gətirilib ki, bu da 2014-cü ilin göstəricisindən (6,1 min ton) 400 ton çoxdur.
Azərbaycanda ərzaq balansına görə, 2014-cü ildə ölkədə düyü istehlakının ümumi həcmi adambaşına 31 526 ton və ya 3,2 kq. təşkil edib. Bunun 29 474 tonu idxalın payına düşüb, DSK bildirir.
Yuxarıda qeyd olunduğu kimi, Dövlət Gömrük Komitəsi (DGK) gömrük vergisinə və rüsumuna cəlb etmək məqsədilə 6,1 min ton məhsul qeydə alıb.
DSK ərzaq balansının tərtib edilməsi zamanı Kənd Təsərrüfatı yanında Dövlət Fitosanitar Xidmətin məlumatına əsaslanır. Xidmət 2014-cü ildə DGK-nın hesabatlarında olduğundan 23 374 ton çox düyü idxalı qeydə alıb.
Təxmini hesablamalara görə, dövlət büdcəsindən yayındırılan verginin həcmi ən azı $10 mln. təşkil edir.
2015-ci ildə Azərbaycan gömrüyündə düyünün kiloqramı $0,30 üzrə qeydə alınıb, halbuki, bir il öncə bu göstərici $0,43 olub. Düyünün pərakəndə satış qiyməti təxminən bir kiloqrama görə $1,30-dır.
İqtisadçı Rövşən Ağayev qeyd edir ki, müstəqil ekspertlər və vətəndaş cəmiyyəti real korrupsiya və vergidən yayınma faktlarına əsaslanaraq hər zaman DGK-nın fəaliyyətini tənqid ediblər. Onun fikrincə, DGK tədricən bu mövqeyi nəzərə alır və “doğru yol”u tutur.
2015-ci ildə Hindistan (12 925 ton), Rusiya (9 764 ton), Tayland (1 386 ton - $490,7 min), Pakistan (1 034 ton), Türkiyə (387 ton), Vyetnam (526 ton), İtaliyadan (122 ton) düyü idxal edilib.
Qeyd edək ki, Azərbaycanda düyü istehsalı 2013-cü illə (5 min ton) müqayisədə təxminən2 dəfə azalaraq 2 679 ton təşkil edib. 08B
İqtisadiyyat
-
Azərbaycanın iqtisadiyyatı gələn illərdə də artımını davam etdirəcək, lakin ING Qrupu və Birləşmiş Millətlər Təşkilatının (BMT) proqnozları bərpa sürətinə dair bir qədər fərqli baxışlar təqdim edir. Niderlandın ən böyük bank qurumu olan ING Qrupu, Azərbaycanın Ümumi Daxili Məhsulunun (ÜDM) müsbət artımını proqnozlaşdırır, BMT isə daha optimist bir görünüş təklif edir.
-
Azərbaycanda taksi minik avtomobillərinin orta yaşı 15-dən 7-yə düşüb. Bu barədə Azərbaycan Yerüstü Nəqliyyat Agentliyinin (AYNA) yaydığı məlumatda bildirilir. Agentlik bunu "islahatların nəticəsi" kimi dəyərləndirib.
-
Qazaxıstan, İrana və Azərbaycana taxıl ixracını bərpa etməklə beynəlxalq taxıl bazarlarında mövqeyini möhkəmləndirib. Bu barədə ölkənin Kənd Təsərrüfatı Nazirliyi məlumat yayıb.
-
Son illərdə Azərbaycan səssizcə dinamik bir startap ekosistemi formalaşdırıb və bu ekosistem artıq beynəlxalq səviyyədə maraq doğurmağa başlayıb. Rəqəmsal təhsil platformalarından aqrotexnologiya sahəsindəki innovasiyalara qədər bu startaplar ölkənin texnologiya və sahibkarlığa artan marağını əks etdirir. Dövlət dəstəyi, beynəlxalq əməkdaşlıq və cəsarətli sahibkarlıq vizyonunun birləşməsi bir neçə Azərbaycan startapını qlobal səhnəyə çıxarıb.
Rəy yaz