"Stelman Trade LTD" şirkəti Azərbaycanın zeytun istehsalçılarına xammal tədarükü və hazır məhsul üzrə əməkdaşlıq təklif edir.
İxracın və İnvestisiyaların Təşviqi Fondunun (AZPROMO) məlumatına görə, bu barədə www.stelmantrade.eu saytında məlumat öyrənmək olar.
Əcnəbilərin yerli məhsula marağı təsadüfi deyil. Bu gün RF piştaxtalarında Azərbaycan məhsulu 80%-dir. Gürcüstan və Ermənistanın payı 15, Orta Asiyanın payı 5%-dir.
Azərbaycanda məhsul 350 ha sahədən yığılır. Ötən il «Azersun Holding» 140 ha sahədə zeytun əkib. Məhsul 2015-ci ildə gözlənilir. 1970-ci illərin əvvəllərində zeytun bağları (1600 ha) üzüm və pambığın güdazına gedib. 1939-cu ildə yaradılan zeytun sovxozları (Maştağa, Zığ, Zirə və Türkan) ziyanla işləməyə başlayıb. 1990-2000-ci illərdə zeytun ağacları kəsilərək mağaza, restoran, şadlıq evləri tikilməyə başlayıb.
İndi zeytuna maraq artır, 200 min ağac əkilib, orta məhsuldarlıq 15-20 kq-dır. Yerli mağazalarda ispan, türk və yunan məhsulu ilə yanaşı, «Zeytun bağları”nın məhsulu da var. Azərbaycan bu sahədə tacik və gürcü mütəxəssislərə kömək edir.
KTN-in şöbə müdiri Sabir Vəliyev Turan-a bildirib ki, yunan və ispan satıcıların marağı zeytunçuluğun inkişafına kömək edəcək, «Azersun Holding»dən başqa yeni iri zeytun istehsalçıları yaranacaq. --17D—
İqtisadiyyat
-
Elon Musk, ABŞ Dövlət İdarəetməsinin Effektivliyi Departamentinin (DOGE) həmsədri olaraq, 2026-cı ilə qədər federal xərclərin aqressiv şəkildə azaldılması yolu ilə ABŞ-da inflyasiyanı sıfıra endirmək üçün strategiya irəli sürüb. Muskın planı, proqnozlaşdırılan gündəlik xərcləri təxminən 4 milyard dollar azaltmağı hədəfləyir və 2026-cı ilə qədər federal büdcə kəsirini 1 trilyon dollara qədər endirməyi nəzərdə tutur. Kəsir hələ də böyük olsa da, Musk hesab edir ki, sürətləndirilmiş iqtisadi artım inflyasiya təzyiqlərini kompensasiya edərək iqtisadiyyatı sabitləşdirə bilər.
-
Azərbaycan Dövlət Neft Şirkəti (SOCAR) Aralıq dənizinin ən iri dəniz yataqlarından biri olan Tamar qaz yatağında 10% pay əldə etmək üçün Union Energy ilə müqavilə imzalayıb, şirkət çərşənbə günü bəyanatında bildirib.
-
Yanvarın 30-da Azərbaycan Prezidenti İlham Əliyev “Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025–2030-cu illər üçün Dövlət Proqramını” təsdiqləyən sərəncam imzalayıb. Bu proqram paytaxtın nəqliyyat sistemini modernləşdirməyi və tıxacları azaltmağı hədəfləyir, prezidentin mətbuat xidməti çərşənbə axşamı bildirib.
-
Goldman Sachs neft qiymətləri ilə bağlı proqnozlarını yenidən nəzərdən keçirib və 2025 və 2026-cı illər üçün Brent və Azeri Light markalı neftin qiymət proqnozlarını hər barel üçün 2 dollar artıraraq 78 dollar səviyyəsinə çatdırıb. Bu düzəliş, ABŞ sanksiyalarının Rusiyanın neft hasilatına təsiri və İran neft ixracına qarşı mümkün gələcək məhdudiyyətlər daxil olmaqla, geosiyasi risklərdən qaynaqlanan daha sərt təchizat şərtləri gözləntilərini əks etdirir.
Rəy yaz