Martın 6-da Azərbaycanda İxracın və İnvestisiyaların Təşviqi Fondunda (AZPROMO) Əfqanıstanın biznes təmsilçiləri və rəsmilərdən ibarət nümayəndə heyəti ilə görüş keçirilib. Əfqanıstanın mərmər istehsalı, səhiyyə, aviasiya və İTK sahəsində fəaliyyət göstərən iş adamlarından və rəsmi qurumlarından ibarət nümayəndə heyəti Bakıda səfərdədir.
İqtisadi İnkişaf Nazirliyinin mətbuat xidmətində Turan-a deyiblər ki, AZPROMO Rüfət Məmmədov Əfqanıstana ixrac imkanları barədə təqdimat keçirib.
Əfqanıstan Ticarət və Sənaye Palatasının baş katibinin birinci müavini Xan Can Alokozai Əfqanıstanın biznes mühiti və investisiya imkanları barədə məlumat verib, Əfqanıstan və Azərbaycan arasında iqtisadi əlaqələrin genişləndirilməsi üçün hər iki ölkənin böyük potensiala malik olduğunu vurğulayıb.
Dövlət Gömrük Komitəsinin məlumatına görə, 2012-ci ildə Əfqanıstana $119,9 mln məbləğində mal ixrac edilib. Bu, əvvəlki ildəkindən 20% çoxdur. Əfqanıstandan mal ixrac edilməyib. 08D
İqtisadiyyat
-
Turan xəbər verir ki, 6 yanvar 2025-ci il tarixindən etibarən Azərbaycandan Bolqarıstana təbii qazın nəqli texniki səbəblərə görə müvəqqəti olaraq dayandırılıb. Bolqarıstanın “Bulgargaz” Enerji Şirkəti tədarükün 2025-ci il yanvarın 11-də bərpa olunacağını elan edib.
-
2024-cü ildə Azərbaycan hava nəqliyyatı vasitəsilə 38 ölkədən 3,523 milyon sərnişin qəbul edib ki, bu da əvvəlki illə müqayisədə 32,1%-lik əhəmiyyətli artımı əks etdirir. Dövlət Turizm Agentliyinin məlumatına görə, ölkəyə gələn ölkələrin sayı üç artırılaraq illik 8,5%-lik genişlənmə əldə olunub.
-
Azərbaycan 2025-ci ildə iqtisadi artım üçün iddialı bir yol xəritəsi təyin edərkən, ölkə öz investisiya portfelini genişləndirmək və innovativ maliyyə alətləri inkişaf etdirmək üçün hazırlaşır. Bu səylər daxili və beynəlxalq investorlar üçün əlverişli mühit yaratmağı hədəfləyir və iqtisadiyyatı neft asılılığından diversifikasiya olunmuş və davamlı inkişafa yönəltməyi nəzərdə tutur.
-
2025-ci ildə Azərbaycan mədəni ənənələri, dini ayinləri və milli xatirə tarixlərini özündə birləşdirən bir sıra dövlət bayramlarını və yas tədbirlərini qeyd edəcək. Nazirlər Kabineti tərəfindən təsdiq edilmiş təqvim vətəndaşlara miraslarını şərəfləndirmək, tarix haqqında düşünmək, ailə və dostları ilə istirahət etmək imkanı verəcək mənalı tarixləri müəyyənləşdirir.
Rəy yaz