Turizm Şurasının yaradılması bu sahədə problemləri operativ həll etməyə imkan yaradacaq, deyə Azərbaycan Turizm Assosiasiyasının sədri Nahid Bayramov düşünür.
«Bu sahənin belə əlaqələndirmə orqanına ehtiyacı vardı», deyə Bayramov prezident Əliyevin Turizm Şurasının yaradılması haqqında sərəncamını şərh edərkən Turan-a bildirib.
N.Bayramov hesab edir ki, Şuranın tərkibinə iqtisadi blokdan olan, eləcə də turizmə aidiyyatı olan dövlət strukturları daxil olacaq.
«Hazırda turst bumu yaşayırıq. Bu templə turist sayı artacaq. Kəmiyyət artımı müvafiq problemlərin həllini və operativ reaksiya tələb edir. Şura problemləri operativ həll etməyə kömək edəcək», deyə N.Bayramov bildirib.
Hələlik məlum deyil, Turizm Şurasının fəaliyyəti Mədəniyyət və Turizm Nazirliyinin işi ilə nə qədər üst-üstə düşəcək.
2001-ci ildə Gənclər və İdman Nazirliyi turizmə hamilik etməyə başladı. 2006-cı ildə isə Mədəniyyət və Turizm Nazirliyi yaradıldı.
Qeyd edək ki, bu sahədə kiçik tədqiqat göstərir ki, bir çox ölkələrdə Turizm Şurası fəaliyyət göstərir. Onlar turizm üçün cavabdehdir və bu sahədə nazirliyinin rolunu oynayır.
Belə ki, İsveçdə hazırda İsveçi brendini beynəlxalq bazarda təmsil edən və ölkənin turizm və səyahət istiqamətində inkişafına cavabdeh olan VisitSweden rəsmi agentliyi fəaliyyət göstərir. Agentlik 1995-ci ildə İsveçin Turizm Şurasının bazasında yaradılıb.
Kataloniyada Avropa və MDB ölkələrində nümayəndəlikləri olan, turizm istiqaməti kimi Kataloniya markasının irəliləməsi və marketinqlə məşğul olan Turizm Şurası «Turisme de Catalunya» fəaliyyət göstərir. O, turizm sənayesinə dəstək verir və xarici bazarlar üçün Kataloniyanın turizm imkanlarını açır.
Sinqapurun Turizm Şurası – fəaliyyəti Sinqapur iqtisadiyyatının əsas sektoru olan turizmin inkişafına yönələn agentlikdir. Şuranın missiyası – Sinqapurda turizmin inkişafını başlıca məsələyə, bu sahənin ölkənin iqtisadi artımının əsas hərəkətverici qüvvəsinə çevirməkdir. –76D-
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz