Əliyev vergi risklərinin azaldılması və iqtisadiyyatın şəffaflığının artırılması barədə sərəncam verib

Bu il yanvarın 1-dən prezident İlham Əliyevin ««Vergi Məcəlləsinə düzəlişlər edilməsi haqqında» AR  qanununun tətbiqi haqqında” fərmanı qüvvəyə minib. Fərman 29 dekabrda imzalanıb. 

Nazirlər Kabinetinə tapşırılıb ki, iki ay müddətinə ƏDV-dən azad edilən dövlət əhəmiyyətli nəşrlərin siyahısını hazırlayıb təqdim etsin. Bu müddətdə hökumət sadələşdirilmiş vergi ödəyicisi ola bilməyən təbii inhisar subyektlərinin siyahısını müəyyən etməlidir.  

Vergi Məcəlləsinə əlavələr vergi ödəyicisi ilə vergi xidməti arasında vergi vergi risklərinin, yəni vergi öhdəliklərinin qeyri-dəqiq müəyyən edilməsi nəticəsində maliyyə itkisinin minimuma endirilməsini nəzərdə tutan könüllü müqavilə bağlanmasını nəzərdə tutur.  Nazirlər Kabineti bu müqavilələrin forma və qaydasını hazırlamalıdır. 

Prezident növbəti dəfə Vergilər Nazirliyinə tapşırıb ki, nağdsız əməliyyatların stimullaşdırılması və nağd əməliyyatların məhdudlaşdırılması üçün təkliflər hazırlasın.  Dövlət Statistika Komitəsinə tapşırılır ki, qeyri-dövlət sektorunun müxtəlif fəaliyyət sahələrində peşələr və vəzifələr üzrə orta aylıq əmək haqqı məbləğinə dair statistik göstəriciləri şəhər və rayonlar üzrə hər ay başa çatdıqdan sonra növbəti ayın 20-dək Vergilər Nazirliyinə elektron formada təqdim etsin. Maliyyə Nazirliyi dövlət büdcəsində dövlət əsaslı vəsait qoyuluşu üçün nəzərdə tutulmuş vəsaitlərin maliyyələşdirilməsi ilə bağlı məlumatı hər ay başa çatdıqdan sonra növbəti ayın 10-dək təqdim etməlidir.

Daşınmaz əmlakın “hərəkəti” üzərində nəzarət də gücləndirilir. Əmlak Məsələləri Dövlət Komitəsi vergi ödəyicisi kimi qeydiyyatdan keçmiş şəxslərin daşınmaz əmlakları barədə daşınmaz əmlakın dövlət reyestrindəki məlumatları hər ay Vergilər Nazirliyinə təqdim etməlidir. Ədliyyə Nazirliyi daşınmaz əmlakın alğı-satqısı ilə bağlı aparılan notariat əməliyyatları barədə məlumatı təqdim etməlidir. --08D—