Bu gün Bakıda Azərbaycanda heyvandarlığın inkişafı strategiyasının hazırlanması üzrə yerli və xarici ekspertlərin yekun seminarı işə başlayıb. FAO (BMT-nin ərzaq və kənd təsərrüfatı təşkilatı) bu işdə fəal rol oynayır. Hökumət qarşıdan gələn 10 ildə ərzaq təhlükəsizliyi, yoxsulluğun azaldılması, təsərrüfatların gəlirlərinin artırılmasına yönələn bu siyasi sənədi həyata keçirmək və zəruri investisiyalar cəlb etmək niyyətindədir.
Seminarın açılışında kənd təsərrüfatı nazirinin müavini Aslan Aslanov bildirib ki, sənəd heyvandarlığın inkişafının bütün aspektlərini əhatə edir: otaracaqların idarə edilməsi, heyvanların genetik müxtəlifliyi, cins tərkibinin yaxşılaşdırılması, sağlamlıq, yemlə təchizat və s. Strategiyada heyvandarlığın inkişafı üçün subsidiyaların tətbiqi də nəzərdə tutulur.
FAO-nun Bakı təmsilçisi Təranə Bəşirova qeyd edub ki, ekspertlər bütün mənfi və müsbət tərəfləri öyrənib sənəd hazırlayıblar. Onların fikrincə, bu sənəd bütün problemləri aradan qaldıracaq və heyvandarlığın yerli və beynəlxalq səviyyədə rəqabətli inkişafına stimul verəcək.
Strategiya hazırlanan zaman sektorun inkişafının iqtisadi, sosial, mədəni və ekoloji amilləri diqqətə alınıb. 08С
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz