Kənd Təsərrüfatı Nazirliyi və BMT-nin Ərzaq və Kənd Təsərrüfatı Təşkilatı (FAO) “Torpaqların konsolidasiyası” layihəsi üzərində işləyir.
Kənd Təsərrüfatı Nazirliyinin məlumatına görə, layihə 3 mərhələdə yerinə yetiriləcək. Əvvəlcə torpaqların konsolidasiyası üzrə mövcud qanunvericiliyin təhlili və təkmilləşdirilməsi nəzərdə tutulur. İkinci mərhələdə beynəlxalq təcrübəyə əsaslanmaqla kənd təsərrüfatı təyinatlı torpaqların konsolidasiyası və iri fermer təsərrüfatlarının yaradılması ilə əlaqədar milli strategiyanın hazırlanacaq. Yekun mərhələ pilot layihənin həyata keçirilməsi yolu ilə yerlərdə mövcud vəziyyətin daha detallı araşdırılması, kənd ərazilərinin inkişaf planlarının hazırlanması məsələlərini əhatə edəcək.
Azərbaycanda torpaq islahatı 1995-1996-cı illərdə həyata keçirilib. Nəticədə 830 min ailə torpaq sahibi olub. Mütəxəssislərin fikrincə, Azərbaycanda fermer təsərrüfatlarının yaradılması prosesi yavaş gedir. Bu isə zəif məhsuldarlıq, kənd yerlərində yoxsulluğun yüksək səviyyəsi ilə nəticələnib.
2015-ci ilin dekabrında Milli Məclis «Kənd təsərrüfatı kooperasiyası haqqında» qanunu birinci oxunuşda qəbul edib. Sənəd kənd təsərrüfatı istehsalı, tədarükü, emalı, kreditləşmə və s. üzrə kooperativlər yaradılması üzrə stimullaşdırıcı tədbirləri nəzərdə tutur.
2011-ci ildən hökumət dövlət torpaqlarından istifadə ilə özəl fermer təsərrüfatlarının yaradılması üzrə kompleks tədbirlər həyata keçirir. 08D
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz