![FARABI mühasib və maliyyəçilərin işini asanlaşdırıb](https://turan.az/resized/./turan-750-500-resize.webp)
FARABI mühasib və maliyyəçilərin işini asanlaşdırıb
FARABİ (büdcə təşkilatları üçün maliyyə və mühasibatlıq hesabatları) avtomatlaşdırılmış informasiya sisteminin tətbiqinin ikinci mərhələsi başa çatıb.
Maliyyə Nazirliyinin məlumatında deyilir ki, Dünya Bankının dəstəyilə həyata keçirilən layihə büdcə təşkilatlarında maliyyə və mühasibat uçotu hesabatlarının mərkəzləşdirilmiş qaydada, “bulud texnologiyaları” əsasında aparılmasını təmin edir. Layihə SINAM şirkəti tərəfindən tətbiq olunur. Layihə çərçivəsində sənədləşmə milli mühasibat uçotu standartları və maliyyə hesabatlarının beynəlxalq standartları əsasında aparılır.
2012-ci ildən ikinci mərhələyə 102 təşkilat, o cümlədən 75 büdcə strukturu, 24 ali məktəb qoşulub. Proqram təminatının funksionallığı “Müəssisə resurslarının idarəedilmə sistemi” (beynəlxalq təsnifat üzrə - “ERP system”) prinsiplərinə müvafiq qurulub və müəssisənin bütün növ maliyyə-təsərrüfat fəaliyyətinin avtomatlaşdırılmasına və idarə edilməsinə imkan verir.
SistemdəVergilər Nazirliyi, Dövlət Sosial Müdafiə Fondu və Maliyyə Nazirliyi ilə birbaşa inteqrasiya dəstəklənir. Bu cür inteqrasiya prosesləri isə “elektron hökumət” konsepsiyasının G2G (dövlət-dövlət) komponentinin əsasını təşkil edir.
Səhiyyə Nazirliyinin maliyyə-iqtisad şöbəsinin baş məsləhətçisi Rəna Camalovaya isnadən bildirilir ki, bu standartların tətbiqilə müxtəlif modulların vasitəsilə əməkhaqqının hesablanması və müxtəlif ödənişlər tez və avtomatlaşdırılmış formada həyata keçirilir.
Dövlət Texniki Universitetinin baş mühasibi Əfsər Dadaşov hesab edir ki, 4 illik praktikada sözügedən proqram təminatı vaxta qənaət edib və mühasibatlıqda bir neçə texniki işçidən azad olmağa imkan yaradıb (əvvəllər əməkhaqlarını 5-6 nəfər hesablayırdı, indi 2 nəfər hesablayır). Bundan əlavə, əvvəllər tələbə təqaüdlərinin hesablanması təxminən 10 gün davam edirdisə indi maksimum 3 gün davam edir. Bundan əlavə, əvvəllər xəstəlik kağızlarının və digər müavinətlərin hesablanmasına 2-3 saat sərf olunurdusa hazırda bütün bunlar avtomatlaşdırılıb.
Xatırladaq ki, 2008-ci ilin martında DB Direktorlar Şurası “Korporativ və özəl sektorlarda hesabatlılıq” (CAP/SAP) layihəsinin reallaşması üçün Azərbaycana $11 mln. həcmində kredit verilməsini təsdiqləyib. Vəsait Beynəlxalq assosiasiyanın şərtlərilə 10 il güzəştli dövr olmaqla 35 il müddətinə verilib.
Layihənin dəyəri $24 mln. təşkil edir. Bunun $8 mln.-u Azərbaycan hökumətinin payı, $3 mln.-u Yaponiya hökumətinin qrantı, $2 mln.-u İsveçrə İqtisadi Məsələlər üzrə Dövlət Katibliyinin (SECO) qrantıdır. --17D-
İqtisadiyyat
-
Azərbaycan Respublikası Dövlət Neft Fondu (ARDNF) 2024-cü ilin ikinci rübü üzrə fondun investisiya fəaliyyətinin yekunlarına əsasən, qızıla investisiyanın ötən illə müqayisədə 3,3% artdığını bildirib. Hazırda qızıla investisiyalar 8,57 milyard ABŞ dolları və ya ARDNF-nin dollar portfelinin 14,8%-ni təşkil edir.
-
Azərbaycanın rəqəmsal inkişaf və nəqliyyat naziri Rəşad Nəbiyev “X” sosial şəbəkəsində bildirib ki, Azərbaycana səfəri zamanı İsrailin regional əməkdaşlıq naziri David Amsalem ilə innovasiyalar kosmos və aviasiya sahəsində əməkdaşlıq məsələləri müzakirə olunub..
-
Ekspertlər xəbərdarlıq edir ki, neft gəlirlərinin azalması və artan inflyasiya təzyiqləri iqtisadi sabitliklə bağlı narahatlıqları artırdığından, Azərbaycan valyuta devalvasiyası gözləntilərinin artmasına hazırlaşır.
-
Azərbaycanın iqtisadiyyat naziri Mikayıl Cabbarovun rəhbərlik etdiyi nümayəndə heyəti İtaliyaya rəsmi səfəri çərçivəsində İtaliyanın əsas rəsmi şəxsləri ilə görüşüb, iki ölkə arasında güclü və çoxşaxəli tərəfdaşlıq əlaqələrini vurğulayıb.
Rəy yaz