Fərdi uçot sistemində qeydiyyatda olan sığortaolunanların sayı artıb

İyunun 1-i üçün fərdi uçot sistemində qeydiyyatda olan sığortaolunanların sayı 2,8 mln-a yüksəlib (ilin əvvəli ilə müqayisədə +4,1%).

Bu barədə məlumat verən Dövlət Sosial Müdafiə Fondunun (DSMF) press-relizində bildirilir ki, Fondun sədri Elman Mehdiyev 2014-cü ilin 5 ayı ərzində 110 minə yaxın sığortaolunan əlavə qeydiyyata alındığını bildirib. DSMF-nin fərdi uçot sistemində qeydiyyatda olan sığortaolunanların 58.8 faizi kişi, 41.2 faizi isə qadındır.
Fərdi uçot sistemində qeydiyyatda olan sığortaolunanların 24.0 faizini 30-40 yaş aralığında olan vətəndaşlar, 22.9 faizini 30 yaşa kimi vətəndaşlar, 21.8 faizini 40-50 yaş aralığında olan vətəndaşlar, 20.9 faizini 50-60 yaş aralığında olan vətəndaşlar, 10.4 faizini 60 yaşdan yuxarı olan vətəndaşlar təşkil edir.  

Azərbaycanda 1 yanvar 2006-cı ildən sosial sığortanın fərdi uçot sisteminə keçilib. Hər bir ödəyici üçün açılan fərdi hesabda icbari sosial sığorta ayırmaları yığılır.  –17D—