Fiziki şəxslər tərəfindən gömrük sərhədindən mal keçirilməsi qaydaları dəyişdirilib

Nazirlər Kabineti oktyabrın 14-də fiziki şəxslər tərəfindən istehsal, yaxud kommersiya məqsədləri üçün nəzərdə tutulmayan malların Azərbaycan Respublikasının gömrük sərhədindən keçirilməsinin güzəştli və sadələşdirilmiş qaydalarını müəyyən edir. Sənədin bir hissəsi 27 oktyabrda mətbuatda verilib və bir ay sonra qüvvəyə minir. Sənədin tam mətni «Azərbaycan»  qəzetinin saytında (http://www.azerbaijan-news.az/index.php?mod=3&id=30501) verilib.

Əgər əvvəl vətəndaşlar rüsum ödəmədən $1000 (şəxsi əşyalar nəzərə alınmadan) məbləğində mal keçirə bilirdisə, indi bu məbləğ $1500, müşayiət edən hər bir ailə üzvü isə əlavə $500 keçirə bilər. Fiziki şəxs özünün və ailə üzvlərinin şəxsi istifadəsi və istehlakı məqsədləri üçün ən azı 2 ədəd eyni və ya eynicinsli malı keçirə bilər. 

Azərbaycandan olan fiziki eyni fiziki şəxsin adına 30 gün müddətində ümumi gömrük dəyəri 1000 ABŞ dolları ekvivalenti məbləğindən artıq olmayan poçt göndərişi mümkündür. Əvvəllər bu rəqəm $200 idi. Avtomobil yanacağı, siqaret (600 ədəd) və alkoqollu içki (3 butulka) həcmi dəyişməyib. Həmçinin şəxsi ehtiyac üçün dərman preparatları və 10 kq ərzaq götürmək oalr. Azərbaycanda 125 qramdan çox olmamaqla nərə balığı aparmağa icazə verilir. 

Mütləq bəyannamədən keçməli olanlar:

Normadan artıq mal; 

Müşayiət olunmayan baqajdakı mallar;

Avtonəqliyyat vasitələri;

$1 500-dan baha qiymətli metal və daşlar;

$10 000 ekvivalentindən çox valyuta və qiymətli kağızlar.

Nazirlər Kabineti Mərkəzi Banka tövsiyə edib ki, valyutanın gətirilməsi və çıxarılması qaydalarına müvafiq dəyişiklik etsin. 

Fiziki şəxslər gömrük ödənişini bank, poçt və ya plastik kartla həyata keçirə bilər. 

Kəhnə qaydalar 2001-ci ildən qüvvədə idi, o vaxtdan Azərbaycanda ABŞ dollarının alıcılıq qabiliyyəti azalıb. 08D