Fiziki şəxslərin gömrük sərhədindən mal keçirməsi qaydalarında dəyişiklik edilib
Nazirlər Kabinetinin 8 iyul tarixli №267 qərarı ilə “Fiziki şəxslər tərəfindən istehsal, yaxud kommersiya məqsədləri üçün nəzərdə tutulmayan malların gömrük sərhədindən keçirilməsinin güzəştli və sadələşdirilmiş qaydaları”nda dəyişikliklər edilib.
Dəyişikliklərə əsasən (http://goo.gl/fIp54e), qiyməti 1500 dolları keçməyən malları bir təqvim ayında bir dəfə keçirməyə icazə verilir. Bu tələb beynəlxalq poçt göndərişlərinə də şamil edilir. Əvvəllər fiziki şəxslərin gömrük sərhədindən mal keçirməsinə məhdudiyyət yox idi.
Vətəndaşlar bir ayda xaricdən Azərbaycana 30 kq-dək ərzaq gətirə, ölkədən 5 kq nərə balığı və və 125 q qara kürü çıxara bilər. Bu tələb hava nəqliyyatında aparılan əl yüklərinə şamil edilmir.
Dövlət Gömrük Komitəsi malların uçotunu aparacaq.
Hökumətin qərarı avqustun 12-dən qüvvəyə minir.
Qeyd edək ki, ötən ildən gömrük məntəqələrində gömrük işçiləri ilə vətəndaşlar arasında mal aparılması qaydalarının fərqli yozumu ilə bağlı tez-tez mübahisələr yaranır. Sərhəd rayonlarında yaşayan vətəndaşlar İran, Gürcüstan və Rusiyada şəxsi istifadə üçün ərzaq və təsərrüfat malları alır, gömrük şiçiləri isə bu mallara görə gömrük rüsumu tələb edir. 08D
-
- İqtisadiyyat
- 12 İyul 2016 17:16
-
- İqtisadiyyat
- 12 İyul 2016 17:35
İqtisadiyyat
-
Azərbaycan 2024-2025 mövsümü üçün buğda idxalını artırmağa hazırlaşır, bu ilin yerli buğda istehsalında əhəmiyyətli azalma baş verib. Dövlət Statistika Komitəsinin məlumatlarına görə, 2024-cü ildə ölkədə 1,68 milyon ton buğda yığılıb ki, bu da əvvəlki illə müqayisədə 8,1% azalma deməkdir. Məhsul yığımındakı bu azalma və son aylarda idxal həcmlərinin artması Azərbaycanın buğda tələbatını ödəmək üçün xarici tədarükçülərə daha çox güvənəcəyini göstərir.
-
Azərbaycan Dəmir Yolları QSC (ADY) tranzit yük daşımalarının səmərəliliyini artırmaq məqsədilə konteyner daşımalarının idarə edilməsi üzrə yenidən təşkilatlandırma planlarını elan edib. Bu yenidən təşkilatın bir hissəsi olaraq, ADY Express 1 noyabr 2024-cü ildən etibarən ADY Konteyner ilə birləşdiriləcək. Bu birləşmə həm konteyner, həm də vaqon daşımalarında təklif olunan xidmətlərin spektrini genişləndirməyə yönəlib.
-
Azərbaycanda təsisçilərinin fiziki və ya hüquqi şəxs olmasından asılı olmayaraq, xarici investisiyalı hüquqi şəxslərin elektron dövlət qeydiyyatına alınmasına imkan verən qanunvericilik bazası tətbiq edilib. Bunu Dövlət Vergi Xidmətinin rəis müavini Samirə Musayeva “Biznesə daxilolma” İşçi qrupunun iclasında çıxışı zamanı deyib.
-
Dünya Bankı, Azərbaycan rəsmiləri və Dünya Bankı nümayəndələri arasında aparılan müzakirələrə əsasən, Azərbaycanın iqtisadi inkişafına yeni tərəfdaşlıq çərçivə proqramı vasitəsilə daha da dərin şəkildə cəlb olunmağı planlaşdırır. Təklif olunan çərçivə proqramı 2025-2029-cu illəri əhatə edəcək və ölkənin innovativ və daha az resurslardan asılı olan iqtisadiyyata keçidini dəstəkləmək üçün nəzərdə tutulub.
Rəy yaz