Gələn ilin ortasından Azərbaycanın 13 bankı Zolotaya Korona ödəniş sistemi ilə əməkdaşlığı dayandırır
2014-cü il yanvar ayının 15-dən etibarən ölkənin 13 aparıcı bankı Zolotaya Korona pul köçürmələri sistemi üzrə xidmət göstərməyəcək.
Yerli banklardan biri bildirir ki, bu qərar bankların Zolotaya Korona sistemi vasitəsilə həyata keçirdiyi əməliyyatların aşağı gəlirliliyi və əməkdaşlıq səmərəliliyinin az olması ilə bağlıdır.
Bankların Zolotaya Korona sistemi ilə 2013-cü il ərzində davam edən danışıqları müsbət nəticələnməyib və bu səbəbdən banklar adıçəkilən sistem üzrə xidməti dayandırmaq qərarını vermək məcburiyyəti qarşısında qalıblar, deyə məlumatda bildirilir.
Siyahıya Аccess Bank, Аta Bank, Bank of Azerbaijan, Bank of Baku, Bank Respublika, Bank Technique, Bank Standart, Dəmir Bank, Kapital Bank, Muğan Bank, Unibank, Xalq Bank və Azərbaycan Beynəlxalq Bankı daxildir.—15D--
İqtisadiyyat
-
Rəşad Hüseynov Kənd Təsərrüfatı Nazirliyinin tabeliyində olan Aqrar Tədqiqatlar Mərkəzinə (ATM) yeni direktor təyin edilib. O, 2019-cu ildən mərkəzə rəhbərlik edən Firidusi Fikrətzadəni əvəz edib. Fikrətzadə iyunun 10-da öz istəyi ilə vəzifəsindən ayrılıb.
-
İyulun 1-dən avtobuslarda və metroda gediş haqqı 10 qəpik bahalaşaraq 50 qəpik olub. Bakı-Sumqayıt istiqamətində avtobusda gediş haqqı isə 60 qəpikdən 70 qəpiyə yüksəlib. Amma qiymət artımından sonra keyfiyyətdə heç bir dəyişikliyin olmadığı bildirilir. Şikayətlərə görə, periferiyada fəaliyyət göstərən avtobuslarda kondisionerlər işləmir, sıxlıq davam edir.
-
Azərbaycan Respublikası Dövlət Neft Şirkətinin (SOCAR) Prezidenti Rövşən Nəcəf, Sloveniya Ətraf Mühit, İqlim və Energetika Naziri Bojan Kumer ilə ikitərəfli enerji sektorunda əməkdaşlığı müzakirə etmək üçün görüş keçirdi.
-
Azərbaycanın energetika naziri Pərviz Şahbazov Dünya Bankının Cənubi Qafqaz üzrə regional direktoru Roland Praysın rəhbərlik etdiyi nümayəndə heyəti ilə görüşərək enerji sektorunda əməkdaşlığın inkişafını müzakirə edib.
Rəy yaz