I yarımildə problemli kreditlər 1,69% artıb

Azərbaycanda problemli kreditlərin həcmi 25,6 mln manat və ya 1,69% artıb. Ödəniş vaxtı keçmiş kreditlərin ümumi həcmi 1 539,8 mln mant olub. Vaxtı keçmiş kreditlərin məcmu kreditlərdə xüsusi çəkisi 8,35% və ya 779 mln manat təşkil edib.

İlin əvvəli ilə müqayisədə isə manatla vaxtı keçmiş kreditlər 61,2 mln manat və ya 7,28% azalıb. 

Problemli qısamüddətli kreditlər 196 mln manat təşkil edib. İlin əvvəlindən azalma 72,2 mln manat və ya 26,92% olub.

Milli valyutada verilən qısamüddətli kreditlərdə problemli kreditlərin xüsusi çəkisi 1,17%  azalaraq 13,93% təşkil edib.

Manatla uzunmüddətli problemli kreditlər iyulun 1-nə 11 mln manat və ya 1,92% artaraq 583 mln manat təşkil edib. Manatla uzunmüddətli kreditlərdə problemli kreditlər 0,94% artaraq 7,14% olub.

Xarici valyuta ilə vaxtı keçmiş kreditlərin həcmi 92,5 mln manat və ya 13,84% artaraq  760,8 mln manat olub.

Problemli valyuta kreditləri 2,32% artaraq 8,58% təşkil edib.

Qısamüddətli vaxtı keçmiş valyuta kreditlərinin həcmi 17,8 mln manat və ya 5,83% artaraq 322,6 mln manat olub.

Vaxtı keçmiş valyuta kreditlərinin həcmi 74,7 mln manat və ya 20, 55% artaraq 438,2 mln manat təşkil edib. Uzunmüddətli valyuta kreditlərində problemli kreditlərin payı 2,05% artaraq 7,05% olub.-0-