İcbari Sığorta Bürosu bütün mükafatların dörddə üçün toplayır

İcbari Sığorta Bürosu üzvlərinin yanvarda yığdığı ən az mükafat 466,31 min manatdır. «Xalq Sigorta» məhz bu qədər mükafat toplayıb. “Alfa Sigorta”da bu göstərici 482,62 min manatdır.

İcbari Sığorta Bürosu üzvləri ötən ay cəmi 43,53 mln manat toplayıb. Bu, ümumi mükafatların (61,13 mln manat) 71,2%-dir. Əgər buaraya istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığortanı da əlavə etsək, görərik ki, yerli bazar əsasən icbari mükafatlardan ibarətdir. 

Ödənişlərdə də eyni vəziyyətdir – “elita” üzvləri 5,54 mln manat (68,6%) ödəniş edib. Burda da “Paşa Sigorta” (1,37 mln manat) liderdir. 

İcbari Sığorta Bürosu 16 dekabr 2011-ci ildə yaradılıb. Hazırda 11 üzvü var.  

Büronun əsas funksiyası – kompensasiya ödəmələri həyata keçirmək və onların vasitəsilə bu kompensasiyaların ödəniləcəyi müəyyən maliyyə fondunu idarə etməkdir. Kompensasiyalar Büroya üzv olan sığorta şirkətləri müflisləşəcəyi təqdirdə ödəniləcək. 

Büronun maliyyə vəsaitləri üzvlük haqlarından, hər icbari sığorta növlərinə dair zəmanət depoziti, həmçinin sığorta şirkətlərinin hər ay büroya köçürəcəyi icbari növlərə görə ümumi mükafatların həcminin 5%-dən formalaşır. 

“İcbari sığorta növləri haqqında» qanun 4 icbari sığorta növünə şamil edilir. Bunlar avtonəqliyyat sahiblərinin mülki məsuliyyətinin icbari sığortası, daşınmaz əmlakın sığortası, daşınmaz əmlak istifadəsi zamanı mülki məsuliyyətin sığortası, sərnişinlərin sığortasıdır.

 Bu zaman qanunun şərtlərinə görə, bu icbari sığorta növlərinə görə xidmətləri ancaq Büro üzvü olan sığorta şirkətləri təqdim edə bilər. --17D—