Bu ilin I yarısında Azərbaycanda dəmir armatur istehsalı 23,7% azalıb.
Dövlətstatkoma görə, 6 ayda 100,7 min ton armatur istehsal edilib. Qeyri-rəsmi məlumata görə, ölkədə bu məhsulun yeganə istehsalçısı “Baku Steel Company” MMC-dir və o, istehsal gücünün ildə 1 mln tona çatdığını bildirir. 2001-ci ildə poladəritmə sobası istismara veriləndə istehsal xətləri ildə 350 min ton məhsul buraxmağa imkan verirdi. Şirkətin məhsul satmaqla bağlı problemi yoxdur. Ona görə tikinti armaturu bazarının inhisarlaşması fonunda istehsalın azalmasını izah etmək çətindir.
Yarım ildə ölkədə metallurgiya sənayesinin istehsal həcmi 143,2 mln manat olub. Bu, 2013-cü ildəkindən 14,8% azdır.
Gömrük Komitəsinin məlumatına görə, bu ilin 5 ayında Azərbaycana bəyannamə qiyməti $44 mln 123,7 min olan 77 min 080,6 ton metal katankalar idxal edilib. 08B
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz