İxrac əlavəsi 6%-dən çox olmayacaq

Nazirlər Kabinetinin 6 oktyabr tarixli qərarı ilə
ixrac təşviqi şamil olunacaq qeyri-neft məhsullarının xarici iqtisadi fəaliyyətin mal nomenklaturası üzrə siyahısı təsdiq edilib. Siyahıya əsasən kənd təsərrüfatı malları, onların emal məhsulları, alkoqolsuz və spirtli içkilər (araqdan başqa), ipək parça, xalçalar, pamblq paltar və ayaqqabı daxil edilib.

Mallar üzrə əmsal ölkə prezidentinin bu ilin martın 1-də verdiyi sərəncamla müəyyən edilən malın gömrük dəyərinin 3%- olan ixrac əlavəsinin 1; 1,5 və 2 həcmində müəyyən edilib. 

İxrac təşviqi əlavəsinin alınması qaydalarına əsasən, o, mal ixrac ediləndən sonra İqtisadiyyat Nazirliyinə müraciət əsasında verilir.  İqtisadiyyat Nazirliyi 10 gün müddətində müraciətə baxır, müddətin sonunda ödəniş üçün sənədləri Maliyyə Nazirliyinə göndərir.

Dövlət şirkətləri, eləcə də dövlətin üstün paya malik olduğu müəssisələr bu imtiyazdan istifadə eə bilməz. İxrac əlavəsini sənaye və texnoloji parklardakı müəssisələr ala bilməz.

Qeyd edək ki, ixrac əlavəsi bu mallara veriləcək: bal, əncir, quru meyvələr, nar, xurma, unlu qənnadı məmulatları, konservləşdirilmiş tərəvəz, meyvə, meyvə və tərəvəz şirələri, souslar və ədviyyatlar və s.

 İxrac əlavəsi bu il martın 1-dən ixrac edilən mallara ödəniləcək. Bu mexanizm 31 dekabr 2020-ci ilə kimi işləyəcək. 08D