Dövlət Statistika Komitəsinin məlumatına görə, bu ilin birinci rübündə ölkədə 30 mindən çox iş yeri yaradılıb. Bunun 25 mini daimidir. 2014-cü ilin ilk üç ayında da təxminən oxşar rəqəmlər açıqlanıb.
Yeni iş yerlərinin əsas hissəsi (79,2%) hüquqi şəxs yaratmadan sahibkarlıq fəaliyyəti ilə məşğul olan fiziki şəxslərdir. Belə vergiödəyiciləri üçün identifikasiya nömrəsi almaq bir neçə dəqiqə vaxt aparır. DSK-nın məlumatına görə, yeni iş yerlərinin 11,2%-i yeni yaradılmış müəssisələrdə, 9,1%-i fəaliyyətini brpa etmiş müəssisə və təşkilatlarda açılıb. Yeni iş yerlərinin 22,3%-i dövlət sektorunda, 68,6%-i ölkə regionlarında yaradılıb.
Qeyd edək ki, həmin mənbəyə görə, bu ilin birinci rübündə ölkədə muzdla işləyənlərin sayı 9,1 min nəfərə enib.
Hökumət Azərbaycanda işsizliyin 5% səviyyədə olduğunu bildirir. Azərbaycanda işsizlərin rəsmi statusu bu ili mayın 1-nə olan məlumata görə, 29 150 nəfərdir.
Regionların sosial-iqtisadi inkişafı üzrə üçüncü Dövlət Proqramı çərçivəsində 2014-cü il yanvarın 1-dən 157,5 min yeni iş yeri yaradılıb ki, bunun da 130 mini daimidir. Müstəqil ekspertlə bu rəqəmləri təbliğat adlandırırlar və hesab edirlər ki, ölkədə işsizliyin səviyyəsi ikirəqəmli ədədlə ölçülür.08D
İqtisadiyyat
-
Avropa Yenidənqurma və İnkişaf Bankı (EBRD) Azərbaycana dair 2024-25-ci illər üçün Keçid Hesabatını təqdim edib və makroiqtisadi sabitlik və bank sektoru sahəsində əhəmiyyətli nailiyyətləri yüksək qiymətləndirib. Lakin hesabatda ölkənin karbohidrogen asılılığından qaynaqlanan davamlı həssaslıqlar vurğulanır və neftlə zəngin iqtisadiyyatın detallı proqnozu təqdim edilir.
-
Azərbaycan Xəzər Dəniz Gəmiçiliyi QSC (ASCO) 28 noyabr tarixində inşa edilmiş yeni gəmi - "Bərgüşadçay"ın istismara verildiyini elan edib. ASCO-nun açıqlamasına əsasən, bu gəmi Xəzər Dənizi Neft Donanmasının balansına köməkçi gəmi kimi daxil edilib.
-
Azərbaycan 27 noyabr 2024-cü ildə verilmiş prezident fərmanına əsasən, azad edilmiş ərazilərdə kənd təsərrüfatı torpaqlarının icarəyə verilməsini sadələşdirmək, investisiyaları cəlb etmək və kənd təsərrüfatının məhsuldarlığını artırmaq məqsədilə yeni qaydalar tətbiq edib.
-
Asiya İnkişaf Bankı (AIB) Azərbaycan pərakəndə ticarət sektorunu dəstəkləmək üçün 10,5 milyon dollar ayırdı və bu, ölkənin iqtisadi modernləşməsinə davamlı dəstəyində növbəti addım oldu. Bu investisiyalar Azərbaycanın iqtisadiyyatını şaxələndirmək və dayanıqlı inkişafın əsas sütunlarından biri olan kiçik və orta sahibkarlığı (KOS) gücləndirmək istiqamətində daha geniş məqsədlərinə uyğun gəlir.
Rəy yaz