Карикатура из открытых источников
Bakı/03.05.17/Turan: 2017-ci ilin fevralından dolların sabit məzənnəsi qiymətlərdə də özünü göstərir.
Dollar baha olan vaxt artan qiymətlər yüksək olaraq qalır, halbuki fevral-mayda dollar 22 qəpik ucuzlaşıb.
Sabit yüksək qiymət idxal edilən AI 95 benzininə də aiddir. Bu benzinin qiymətini Tarif Şurası müəyyən etmir və onu bazar tənzimləməlidir.
2016-cı ilin fevralında dollar 1,6362 manat, həmin benzin 90 qəpik olub. Sonra dollar bahalanıb və 2017-ci ilin fevralında 1,92 manat olub. Bu zaman AI 95 iki dəfə bahalanıb və qiyməti 1,15 manata çatıb. Bu bahalanma manatın ucuzlaşması ilə izah edilib.
Amma 3 aydır dollar 1,70 manata düşüb sabitləşsə də, AI 95 baha olaraq qalır.
Neft Araşdırmaları Mərkəzinin rəhbəri İlham Şaban bunu iqtisadiyyatda inhisarçılıq ilə izah edir.
O qeyd edib ki, manat möhkəmlənsə də, heç bir seqmentdə qiymətlər düşmür.
«İdxal bir neçə korporasiyanın əlində cəmləşib, qiymətləri onlar müəyyən edir. Bu da hökumətin əlində büdcəni doldurma alətinə çevrilib», deyə o hesab edir.
«Azpetrol» şirkətinin mətbuat katibi Camal Zeynalov Turan-a bildirib ki, AI 95 benzini uzunmüddətli müqavilə ilə alınıb və o vaxt dollar baha idi. Digər səbəb kimi o, mövsümi amili göstərib. Yayda «Azpetrol»un benzin aldığı ölkələrdə qiymətlər artır.
«Əgər dollar 1,50 manata düşsə, AI 95 ucuzlaşa bilər», deyə o bildirib.
İlham Şaban isə benzin satan şirkətlərin kartel razılaşması olduğunu qeyd edib.
«YDM-lər müxtəlif şirkətlərə məxsusdur. Amma qiymətlər hamısında eyni vaxtda artıb. Onların arasında 5 qəpik də fərq yoxdur. Bu, nədənsə Antiinhisar Xidmətində şübhə doğurmur», deyə o bildirib.
İqtisadiyyat Nazirliyinin mətbuat xidməti və Antiinhisar Xidməti Turan-ın AI 95 benzininin müxtəlif YDM-lərdə eyni qiymətlərinin nədən şübhə doğurmaması barədə sualına cavab verməkdən imtina edib.. –71D-
İqtisadiyyat
-
Azərbaycan 27 noyabr 2024-cü ildə verilmiş prezident fərmanına əsasən, azad edilmiş ərazilərdə kənd təsərrüfatı torpaqlarının icarəyə verilməsini sadələşdirmək, investisiyaları cəlb etmək və kənd təsərrüfatının məhsuldarlığını artırmaq məqsədilə yeni qaydalar tətbiq edib.
-
Asiya İnkişaf Bankı (AIB) Azərbaycan pərakəndə ticarət sektorunu dəstəkləmək üçün 10,5 milyon dollar ayırdı və bu, ölkənin iqtisadi modernləşməsinə davamlı dəstəyində növbəti addım oldu. Bu investisiyalar Azərbaycanın iqtisadiyyatını şaxələndirmək və dayanıqlı inkişafın əsas sütunlarından biri olan kiçik və orta sahibkarlığı (KOS) gücləndirmək istiqamətində daha geniş məqsədlərinə uyğun gəlir.
-
Bu gün Milli Məclisin iclasında Azərbaycanın deputatları 2025-ci il üçün minimum yaşayış səviyyəsinin artırılmasını nəzərdə tutan qanun layihəsini birinci oxunuşda müzakirə edib və təsdiqləyiblər. Yenilənmiş rəqəmlər 10 manatlıq mülayim artımı əks etdirir və ölkə üzrə yaşayış minimumu 285 manat olaraq müəyyən edilib. Xüsusi əhali qrupları üçün bu göstəricilər 305 manat (işləyən əhali üçün), 232 manat (pensionerlər üçün) və 246 manat (uşaqlar üçün) təşkil edir. Eyni iclasda gələn il üçün ehtiyac meyarı da 285 manat məbləğində təsdiq edilib ki, bu da milli yaşayış minimumu ilə eyni səviyyədədir.
-
Bu il Avstraliyanın Fortescue Future Industries (FFI) holdinqinin Azərbaycanda "yaşıl" layihələrin inkişafına dair planları yenidən tənzimlənib, lakin iki il əvvəl başlayan danışıqlar davam edir, Turan-a məlumatlı mənbə bildirib.
Rəy yaz