Kənd təsərrüfatında rifah rəqəmləri

İyulun I-i üçün ölkənin kənd təsərrüfatında məcmu məhsul 2 mlrd 122 mln 995 min manat təşkil edib, deyə dünən prezident İlham Əliyevin sədrliyi ilə Nazirlər Kabinetinin 2013-cü ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunmuş iclasda kənd təsərrüfatı naziri İ.Abasov bildirib. 

Onun sözlərinə görə, bitkiçilikdə 4,5%, heyvandarlıqda 5,1% artım olub. 

2013-cü ilin məhsulu üçün ölkə üzrə 1 milyon 33 min 200 hektar sahədə payızlıq və yazlıq dənli və dənli paxlalılar (qarğıdalı istisna olmaqla) becərilmişdir ki, onun da 690 min 816 hektarını və ya 67 faizini buğda təşkil edir. Nazir bildirib ki, ilin sonu üçün 3 mln ton buğda yığılacaq. Bu, keçən ildəkindən təxminən 100 min ton çoxdur.

Məlumdur ki, bir çox özəl təsərrüfatlar iyundakı təbii fəalkətlərlə bağlı məhsulu üyüdə bilməyib. 1 mindən çox kombayn olmasına baxmayaraq, bu texnika da çatışmır. 

Abasovun sözlərinə görə, эbu il məhsul çoxdur, meyvə istehsalı 12,1 faiz, kartof istehsalı 11,8 faiz, tərəvəz istehsalı 8,8 faiz, yaşıl çay yarpağı istehsalı 4 faiz artıb. Amma bazardakı bahalığın səbəbi izah edilməyib – ya məhsul xarab olur, ya nəqliyyat bahadır, ya da kəndilər topdansatış bazarına buraxılmır. Heyvandarlıq sahəsində də hartım var. Ötən ilin müvafiq dövrünə nisbətən ət istehsalı diri çəkidə 3,2 faiz, süd istehsalı 6,6 faiz, yumurta istehsalı 14,2 faiz, yun istehsalı 2,6 faiz artıb. 

I yarımildə 11,05 mln manata 4,3 min baş damazlıq heyvan alınacaq. Bunun 1284 başı bu il iyulun 15-dək ölkəyə gətirilərək 50 faiz güzəştlə üç il müddətinə lizinq yolu ilə məhsul istehsalçılarına verilib.

“Aqrolizinq” ASC ilin əvvəlindən 1648 kənd təsərrüfatı texnikası, o cümlədən 1000 taxılyığan kombayn, 394 traktor və 1150 qoşqu avadanlığını kənd təsərrüfatı məhsulları istehsalçılarının istifadəsinə verib. --17D—