Kiçik və orta biznes ucuz maliyyə resurslarına çıxışdan məhrumdur
ABŞ Beynəlxalq İnkişaf Agentliyinin (USAİD) keçirdiyi “Qlobal sahibkarlıq həftəsi – 2016” çərçivəsində və cümə günü Bakıda Amerika hökumətinin maliyyə dəstəyi ilə “Azərbaycanda kiçik və orta biznesin inkişafı” mövzusunda konfrans keçirilib.
USAİD-in tərəfdaşı olan Bazar İqtisadiyyatının İnkişafına Yardım Fondu tərəfindən təşkil edilmiş tədbirdə Milli Məclisin deputatları, dövlət qurumlarının, beynəlxalq təşkilatların, səfirliklərin, ictimai birliklərin və beyin mərkəzlərinin nümayəndələri iştirak ediblər.
Bazar İqtisadiyyatının İnkişafına Yardım Fondunun rəhbəri Sabit Bağırovun sözlərinə görə, kiçik və orta biznesə dəstək üçün dövlətin özəl sektorla dialoqu və tərəfdaşlığı mühümdür.
Milli Məclisin iqtisadi siyasət komitəsinin üzvü Vahid Əhmədov bildirib ki, Azərbaycan parlamenti kiçik və orta biznesin inkişafı üçün əlverişli şəraiti təmin etmək məqsədi daşıyan 80-ə yaxın qanun qəbul edib.
Öz növbəsində, ABŞ-ın Azərbaycandakı səfiri Robert Sekuta qeyd edib ki, çoxları şəxsi biznesini yaratmaq istəyir və öz iş yerini açaraq iqtisadiyyatın inkişafında böyük rol oynayır.
Səfir hökumətin sahibkarlığın inkişafı üzrə addımlarını alqışlayıb. “ABŞ hökuməti sabitliyin və islahatların səmərəliliyinin təmin edilməsi üçün Azərbaycanla tərəfdaşlığa hazırdır”, deyə Sekuta bildirib.
İqtisadi İnkişaf Nazirliyinin şöbə müdiri Elçin İbrahimov hakimiyyətin kiçik və orta biznes üçün mühiti yaxşılaşdırmaq tədbirlərindən: müəssisələrdə vergi yoxlamaları istisna olmaqla, iki illik yoxlamalar moratoriumundan danışıb. Nəticədə bu il yoxlamaların sayı ötən il olduğundan 1000 dəfə azdır.
Bundan başqa, lisenziyalı fəaliyyətlərin sayı 59-dan 37-yə qədər azaldılıb. Bu zaman lisenziyalar ASAN xidmət vasitəsilə verilir.
Regionlarda investisiyalara təkan vermək üçün sahibkarlara yeddi illik vergi tətili tətbiq edilib.
İctimai hüquqi şəxs olan ABAD-ın (Ailə Biznesinə Asanlaşdırılmış Dəstək) şöbə müdiri Elçin Şirinov bildirib ki, bu qurum istehsalatın planlaşdırılmasında, konsaltinq, marketinq və maliyyə xidmətlərinin göstərilməsində və s. ailə biznesinə dəstək üçün yaradılıb. Xüsusən, ailə kənd təsərrüfatçılarına öz mallarını bazarda təşviq etməkdə köməklik göstərilir.
İqtisadi Təşəbbüslərə Yardım Mərkəzinin eksperti Samir Əliyev isə bu gün sahibkarların əsas problərinin ucuz maliyyə olmaması olduğuna diqqət çəkib. Kiçik və orta biznes, demək olar ki, kredit cəlb etmək imkanından məhrum edilib. 2016-cı ildə iqtisadiyyatın kreditləşdirilməsinin həcmi rəsmi məlumatlara görə 23% azalıb, reallıqda isə vəziyyət daha da pisdir.
Digər tərəfdən, Azərbaycan Mərkəzi Bankı iqtisadiyyatın pul təchizatını azaldıb. Ticarət balansında profisit 237 mln. dollara qədər azalıb və ilin sonunda defisit olacağı istisna deyil.
Problemli kreditlərin həcmi 20%, bəzi hallarda isə 50% təşkil edir.
Əliyev tövsiyələr arasında Milli Sahibkarlara Dəstək Fondunun yalnız kiçik və orta biznesi kreditləşdirməsini, ixtisaslaşmış investisiya, aqrar sənaye, ixracat və s. banklarının yaradılmasını qeyd edib.
“Qlobal sahibkarlıq həftəsi – 2016” 14-20 noyabr tarixlərində dünyanın 160 ölkəsində keçirilir. -06D-
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz