Kiçik və orta sahibkarların müsbət kredit tarixçəsinin formalaşması mövzusunda seminar keçirilib

Bu gün Bakıda mərkəzləşdirilmiş kredit reyestri, onun nə üçün tələb olunması, müsbət kredit tarixçəsi və bunlardan şirkətlər yararlanması mövzusunda seminar keçirilib.  

Beynəlxalq Maliyyə Korporasiyasının mütəxəssisi Rəsminə Qürbətova 2005-ci ildən fəaliyyət göstərən Mərkəzi Bnak yanında Mərkəzləşdirilmiş Kredit Reyestri Xidmətinin fəaliyyət sistemi barədə məlumat verib. 

Reyestr Xidmətinin rəhbəri Elçin Həbibov qeyd edib ki, kredit reyestrinə 42 kommersiya bankı və 18 bank olmayan kredit təşkilatı qoşulub. Bundan başqa, 351 regional bank filialı sistemə çıxışı var. Reyestrə əsasən, ölkədə 1,4 mln aktiv kredit alan var. Bunun  1 3800 mini fiziki şəxslərdir. Reyestrdə cəmi 3,8 mln kredit tarixçəsi var. Azərbaycanda hər 1,4 kreditorun iki və daha çox kredit təşkilatına kredit öhdəliyi var. 

Həbibov deyib ki, 2013-cü ilin yanvarından kreditlər üzrə bütün əməliyyatlar, o cümlədən günlər üzrə kredit ödənilməsində gecikmələr barədə reyestrdən məlumat əldə edilməsini təmin etmək planlaşdırılır. Bundan başqa, kredit bürosu yaradılması üzrə iş gedir. Bunun üçün ilk növbədə İFC-nin üzərində işlədiyi daşınmaz əmlak reyestrinin aparılması lazımdır. Kredit bürosu borc öhdəliyi üzrə lizinq və ticarət şirkətlərindən də informasiya alacaq. 

Seminarda iştirak edən sahibkarlar kredit alışında kredit tarixçəsi ilə bağlı olmayan neqativ hallardan danışıblar. Bəzən Mərkəzləşdirilmiş Kredit Reyestrinə kredit borcu ilə bağlı həqiqətə uyğun olmayan məlumatlar düşür. Bəzənsə bağlanan öhdəlik üzrə kreditin ödənilməsinin gecikməsi reyestrdə əksini tapmır. Bu zaman guya borc üzrə heç bir problemi olmayan kreditorun “qara obrazı” itir.    

Seminarı İFC “Paşa Bank”ın dəstəyi ilə “Kiçik və Orta Sahibkarların (KOS) Maarifləndirilməsi və Maliyyə savadlılığının artırılması” tədbirlər planı çərçivəsində keçirib. 

İFC (Dünya Bankı qrupunun üzvü) indiyədək Azərbaycanda $634 mln məbləğində 62 kommersiya layihəsini maliyyələşdirib. Korporasiya Azərbaycanda biznes mühitin inkişafı üzrə 6 proqramı həyata keçirir.  08C