Əmlak Məsələləri Dövlət Komitəsi oktyabrın 21-də “Daşkəsən Filizsaflaşdırma” ASC-nin özəlləşdirilməsi üçün məsləhət xidmətinin göstərilməsi üzrə tenderin nəticələrini elan edib.
Qurumun mətbuat xidməti bildirir ki, müsabiqədə “KPMG Azerbaijan Limited” şirkətinin Azərbaycan təmsilçiliyi qalib gəlib.
Tenderdə 8 şirkət, o cümlədən 4 konsorsium iştirak edib. Bu şirkətlərin adı, eləcə də qalibin tender təklifi məbləği açıqlanmır.
Tender şərtlərinə əsasən, KPMG müəssisənin maliyyə-iqtisadi təhlillərinin aparılmasını, müəssisənin fəaliyyətinin inkişaf etdirilməsi məqsədi ilə tələb olunan investisiyaların təxmini həcminin və istiqamətlərinin müəyyən edilməsini, özəlləşdirmə prosesinə yerli və xarici investorların cəlb edilməsi üçün məlumat memorandumunun tərtib olunmasını təmin edəcək.
ƏMDK Daşkəsən Filizsaflasdırma kombinatının qarşıdakı özəlləşdirilməsinin bəzi xüsusiyyətlərini açıqlayıb: dövlət büdcəsinə ödəniş, təklif edilən investisiya həcmi və onların səmərəli qoyulması.
Qeyd edək ki, Daşkəsən Filizsaflaşdırma” ASC iki dəfə xarici investorlar tərəfindən özəllşdirilib. Sonradan müsabiqələrin nəticələri ləğv edilib. 08D.
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz