Kürdəmir rayonunun Çöhranlı kəndində müdafiə əhəmiyyətli obyekt tikiləcək. Nazirlər Kabineti bu məqsədlə torpaq sahəsinin alınmasına dair qərar qəbul edib.
Baş nazirin müavini Abid Şərifovun noyabrın 11-də imzaladığı 359 saylı qərarda qeyd olunur ki, 124,921 hektar, o cümlədən dövlət mülkiyyətində olan 81,7 hektar əkin sahəsindən istifadə hüququ, 41 nəfər vətəndaşın xüsusi mülkiyyətində olan 32,097 hektar və Çöhranlı bələdiyyəsinin mülkiyyətində olan 11,124 hektar (o cümlədən, 9,62 hektar örüş, 1,504 hektar əkin) torpaq sahələri Müdafiə Nazirliyinə verilsin.
Müdafiə Nazirliyinə tapşırılıb ki, torpaq sahələrinin dövlət ehtiyacları üçün alınması ilə bağlı hazırlıq tədbirlərini “Torpaqların dövlət ehtiyacları üçün alınması haqqında qanunun tələblərinə uyğun olaraq həyata keçirsin və bu barədə Nazirlər Kabinetinə təkliflər təqdim etsin.
Tikinti işlərinə dövlət ehtiyacları üçün alınması nəzərdə tutulan torpaq sahələrinin müəyyən olunmuş qaydada kateqoriyası dəyişdirildikdən sonra başlanıla bilər.
Kənd Təsərrüfatı Nazirliyinin məlumatına görə, Çöhranlı kəndində kənd təsərrüfatı ehtiyacları üçün 2951 ha torpaq sahəsindən istifadə edilir. Bu sahələr 200-dən çox fermerə və hüquqi şəxslərə məxsusdur.-- 08D--
İqtisadiyyat
-
ABŞ-ın prezidenti Donald Trampın təklif etdiyi enerji və ticarət siyasətləri qlobal neft və qaz qiymətlərində uzunmüddətli enişə səbəb ola bilər. Bu isə 2026-cı ildən etibarən Azərbaycanda iqtisadi sabitliyin pozulmasına gətirib çıxara bilər, əgər fundamental struktur islahatları həyata keçirilməzsə, iqtisadçı Qubad İbadoğlu son analizində xəbərdarlıq edib.
-
Azərbaycan kənd təsərrüfatı sektorunu şaxələndirmək istiqamətində addım ataraq ölkənin ilk kommersiya məqsədli banan istehsalına start verib. Yerli istehsalçı Fruitland tropik meyvələri daxili bazara təqdim edir.
-
Azərbaycan, Gürcüstan, Türkiyə və Bolqarıstan yaşıl enerjinin ötürülməsi sahəsində qarşılıqlı anlaşma memorandumu layihəsinin mətnini razılaşdırıblar. Bu, regionda dayanıqlı enerji əlaqələrinin inkişafında mühüm addım kimi qiymətləndirilir. Sənəd ölkələr arasında enerji mübadiləsini genişləndirmək və Yaşıl Enerji Dəhlizi layihəsi üçün hüquqi baza yaratmaq məqsədini daşıyır.
-
Azərbaycanın əmək bazarı genişlənməkdə davam edir. Dövlət Statistika Komitəsinin ilkin məlumatlarına görə, 2025-ci ilin yanvar ayının əvvəlində ölkə iqtisadiyyatında çalışanların ümumi sayı 1,78 milyon nəfərə çatıb. Məlumatlar göstərir ki, 882,800 nəfər dövlət sektorunda, 895,700 nəfər isə qeyri-dövlət sektorunda çalışır.
Rəy yaz