Mədən sənayesində şirkətlərin hər birinin hesabatı tələb ediləcək

Amsterdamda “ Ödədiyini açıqla” beynəlxalq  koalisiyasının 10 illik yubileyinə həsr olunmuş beynəlxalq konfrans keçirilir. Konfransda dünyanın 50-dən çox ölkəsindən, o cümlədən Azərbaycandan 200-dək  vətəndaş  cəmiyyəti nümayəndələri və  şəffaflığı dəstəkləyən beynəlxalq təşkilatların təmsilçiləri iştirak edir. 

Nümayəndə heyətinin üzvü, “Mədən səyanesində  şəffaflığın artırılması” Koalisiyasının təmsilçisi Qubad İbadoğlu  Turan-a bildiirb ki, konftans “Ödədiyini açıqla” beynəlxalq  koalisiyasının 2020-ci ilə qədər olan strategiyasını qəbul edib. 

Konfransın mövzularından biri Mədən Sənayesində Şəffaflıq Təşəbbüsünün hesabatlarının keyfiyyətinin artırılması, bu sahədə informasiyalara  vətəndaşların çıxış imkanlarının genişləndirilməsidir. Konfransda bu mövzuda çıxış edən MSŞT beynəlxalq katibliyinin rəhbəri Yonas Moberq  hesabatların şirkətlər üzrə  fərqi qaydada açıqlanmasına dair  üzv ölkələrə tələbin qoyulacağını bildirib. 

Konfrans iştirakçıları “Təbii sərvətlərlə zəngin ölkələrdə  şəffaflığın artırılmasına dair”  qətnaməni alqişlayıb. Avropa Parlamentinin bu gün qəbul etdiyi qətnaməyə  görə, dünyanın  təbii sərvətlərlə zəngin olan bütün ölkələri istisnasız olaraq şəffaflıq təşəbbüsünə qoşulmalı,  yerli hökümətlər şirkətlərlə imzaladığı  dəyəri 80 min avrodan yuxarı olan bütün ödənişlərə dair   açıqlama verməli,   layihələr üzrə  ayrıca hesabatlar verilməlidir. 

Azərbaycan nümayəndə ölkə təcrübəsindən çıxış edərək,  müzakirə olunan istiqamətlər üzrə fikirləini konfrans iştirakçıları ilə bölüşüblər. 08D