Sumqayıtın ticarət mərkəzlərindən birində zərgərlik məmulatlarında dövlət əyar damğasının olmadığı aşkarlanıb
Azərbaycan Respublikası Maliyyə Nazirliyinin Qiymətli Metallara və Qiymətli Daşlara Nəzarət Dövlət Xidməti Sumqayıtda yerləşən “Karvan” Ticarət Mərkəzində kütləvi qanun pozuntuları aşkar edib.
Xidmətdən verilən məlumata görə, yoxlama zamanı obyektlərdə qiymətli metallardan və qiymətli daşlardan hazırlanmış və qanunvericiliyə zidd olaraq dövlət əyar damğası ilə damğalanmayan 4076 ədəd zərgərlik məmulatı aşkar edilib. 29 sahibkardan 24 nəfərin isə qanunsuz fəaliyyət göstərdikləri müəyyən edilib.
Bu ilin I yarısında Dövlət Xidməti 44 sahibkarlıq subyektində nəzarət tədbirləri həyata keçirib. Yoxlamalar zamanı 31426 zərgərlik məmulatında dövlət əyar damğası olmadığı aşkarlanıb. Xidmət dövlət büdcəsinə 299,9 min manat rüsum ödənilməsini təmin edib. Həmçinin 41,8 min manat inzibati cərimə təyin edilib. Bu ilin 6 ayında dövlət büdcəsinə 1,01 mln manat rüsum ödənilməsi təmin olunub. --15D—
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz