Mərkəzi Bank Bank Technique ASC-nin (keçmiş Texnika Bank) 13 şöbəsinin lisenziyasını ləğv edib.
AMB-dən verilən məlumata görə, Ağcabədi, Daşkəsən, Gədəbəy, Şirvan, Goranboy, Kürdəmir, Ağsu, İsmayıllı, Saatlı, Göygöl, Hacıqabul, Qax və Oğuz şöbələrinin lisenziyaları ləğv olunub. Ötən ilin dekabrından Astara, Masallı, Salyan və Ağdaş şöbələri də bağlanıb. Beləliklə, son 9 ayda Bank Technique-in 17 şöbəsi lisenziyadan məhrum olub.
Xatırladaq ki, ötən ilin əvvəlində bankın Müşahidə Şurasının sədri başda olmaqla vəzifəli şəxsləri həbs edilmişdi. Maydan avqusta qədər bir neçə növbədənkənar ümumi yığıncaqda bankın İdarə Heyəti, Müşahidə Şurası və Auditor Komitəsinin tərkibi yenilənib. Rebrendiq haqda qərar qəbul edilib və "Texkart" ASC və "Texnikalizinq" MMC törəmə strukturları ləğv edilib.
Hazırda Bank Technique-in 35 filial və 15 şöbəsi var. --15B--
İqtisadiyyat
-
Kiçik və Orta Sahibkarlıq Agentliyi (KOBİA) və İqtisadiyyat və Ekologiya və Təbii Sərvətlər Nazirliklərinin birgə təşkilatçılığı ilə bu gün Bakı şəhərində kiçik və orta sahibkarlıq (KOS) sektoru üçün yaşıl iqtisadiyyatda rolu müzakirə edən bir konfrans keçirilmişdir.
-
Sentyabrın qızılı günəşi altında, 2024-cü il sentyabrın 7-8-də Şamaxının Meisari kəndində Üçüncü Üzüm və Şərab Festivalı keçirildi. Bu tədbir şərab həvəskarları və turistləri Azərbaycanın qədim şərabçılıq ənənələrini qeyd etmək üçün bir araya gətirdi. Dövlət Turizm Agentliyinin təşkil etdiyi festival, ölkənin üzümçülük sahəsini dirçəltmək, yerli istehsalı artırmaq və ixrac imkanlarını genişləndirmək istiqamətindəki səylərini ön plana çıxardı.
-
Azərbaycan “Eurovision” üçün Crystal Hall, Bakı Olimpiya Stadionu və “Şahdağ” xizək kurortu daxil olmaqla, miqyaslı infrastruktur layihələrinə 1,6 milyard dollardan çox vəsait xərcləyib. Lakin London Biznes Məktəbinin məzunu və Sage Solutions şirkətinin direktoru Fikrət Məmmədovun sözlərinə görə, bu xərclər ölkə iqtisadiyyatına uzunmüddətli fayda gətirməyib.
-
İqtisadçı Qubad İbadoğlunun məqaləsində qeyd olunur ki, 2020-ci ildə 44 günlük İkinci Qarabağ müharibəsinin nəticələri Azərbaycan iqtisadiyyatına birbaşa xarici investisiyaların (BXİ) reytinqini əhəmiyyətli dərəcədə dəyişib. Son məlumatlar Rusiya, Türkiyə və Çindən xüsusilə işğaldan azad edilmiş ərazilərə yönəlmiş investisiyaların nəzərəçarpacaq dərəcədə artdığını göstərir. Bununla belə, inhisarçılıq, məhkəmə müstəqilliyinin olmaması və hökumətin dövlətlərin “dost” və ya “qeyri-dost” kimi təsnifatı kimi maneələr marağı azaltdığından Qərb investisiyaları məhdud olaraq qalır.
Rəy yaz