Sentyabrın 8-də ABŞ-ın Bakıdakı səfirliyi bildirib ki, ABŞ dövlət katibinin insan hüquqları və demokratiya üzrə köməkçisinin müavini Tomas Melianın səfəri Azərbaycan hakimiyyətinin xahişi ilə təxirə salınıb.
Sentyabrın 9-10-na nəzərdə tutulan səfər səbəblər açıqlanmadan 9 oktyabr prezident seçkilərindən sonraya keçirilib.
Səfirliyin təəssüfündən başqa ABŞ hakimiyyəti Bakının Melianı qəbul etməkdən imtina etməsinin səbəbləri ilə bağlı açıqlama verməyib.
Belə ki, Dövlət Departamentinin mətbuat katibi Mari Harf Vaşinqtonda brifinq zamanı Bakının hərəkətinin qiymətləndirilməsi ilə bağlı sualın cavabından yayınıb.
Xatırladaq ki, bundan öncə T.Melia demokratik normaların pozulması ilə bağlı Azərbaycanı dəfələrlə tənqid edib, açıqlığa, insan hüquqları, KİV hüquqları, müxalifətlə bağlı vəziyyətin yaxşılaşdırılmasına çağırıb. Bu, sonuncu dəfə - iyulun 16-da Vaşinqtonda Helsinki komissiyasının dinləmələrində olub.
Human Rights Watch təşkilatının direktor müavini Reyçel Denber Turan-ın Vaşinqton müxbiri ilə söhbətində deyib ki, baş verənlər göstərir ki, Bakı prezident seçkiləri ərəfəsində demokratik normaların təmin olunması ilə bağlı Vaşinqtonun çağırışlarına məhəl qoymur.
Stiven Ostin Universitetinin professoru Maykl Tkaçik hesab edir ki, Bakının hərəkətlərini “ikitərəfli münasibətlərdəki bəzi məsələlərlə bağlı rəsmi Bakının narazılığının” təzahürü kimi qiymətləndirmək lazımdır.
O ehtimal edir ki, bunun ardından Azərbaycanda demokratik seçkilərə tərəfdar olanlara təzyiqlər gəlir. “ABŞ 9 oktyabr seçkilərinə çoxdan göz yumub”, - Tkaçik qeyd edib. Onun fikrincə, Vaşinqtonun bu cür münasibəti “yalnışdır”.
Foreign Policy İnstitutunun (FPRI) baş eksperti Cerald Robbins öz fikrini daha konkret ifadə edib: “Obama administrasiyası Azərbaycanla bağlı status-kvo seçib”. Sabitlik böyük demokratikləşmə siyasətinin üzərində üstünlük təşkil edir. Buna səbəb ərəb dünyasındakı inqilabların nəticəsidir. Çoxvədli ərəb baharı ABŞ-ın gözlədiyi kimi Yaxın Şərqdə rasional nəticələrə gətirib çıxarmadı. -25B-
Siyasət
-
Şənbə günü, sentyabrın 7-də Haaqada Azərbaycanın Niderlanddakı səfirliyi qarşısında Bakıda həbs edilmi. talış tədqiqatçısı İqbal Əbilova dəstək piketi keçirilib.
-
Bakının Xətai Rayon Məhkəməsi Abzas Media-nın işi üzrə həbs olunmuş araşdırmaçı jurnalist Hafiz Babalının həbs müddətini üç ay uzadıb.
-
Cümə günü Amerika kəşfiyyatının əməkdaşları bildiriblər ki, Rusiya ABŞ-da 5 noyabr prezident seçkilərinə təsir göstərə biləcək əsas və ən fəal təhdiddir, lakin İran və Çin də səylərini artırır.
-
Azərbaycan iqtisadiyyatı şaxələndirməyə və neftdən asılılığa son qoymağa çalışır, həmçinin, İsrailin yüksək texnologiyalar sahəsində fəaliyyət göstərən şirkətlərinə səxavətli vergi güzəştləri müqabilində ölkəyə köçməyi təklif edir. Bu barədə İsrailin Globes nəşri Azərbaycana köçmək mümkünlüyünü nəzərdən keçirən şirkətlərdəki mənbələrinə istinadla məlumat yayıb.
Rəy yaz