Məsləhət Şurasının birinci iclası birgə bəyanatın imzalanması ilə başa çatıb
Əminəm ki, görüş zamanı aparılan müzakirələr, fikir mübadiləsi layihənin uğurla həyata keçirilməsinə töhfə verəcək. Bu bəyanatı prezident İlham Əliyev Cənub Qaz Dəhlizi üzrə Məsləhət Şurasının fevralın 12-də Bakıda keçirilən birinci iclasında səsləndirib.
Əliyev qeyd edib ki, 2011-ci ilin yanvar ayında Avropa Komissiyasının o vaxtki sədri Joze Manuel Barrozu ilə Cənub Qaz Dəhlizi haqqında birgə bəyanat imzalanıb, bu sənəddə Azərbaycan Cənub Qaz Dəhlizinə əsas töhfəni verən və layihəni həyata keçirən ölkə kimi göstərilib.
Azərbaycan prezidenti qeyd edib ki, TANAP və TAP layihələri Cənub Qaz Dəhlizinin həyata keçirilməsində mühüm mərhələdir.
Azərbaycanda təsdiq edilmiş qaz ehtiyatlarının 2,5 trilyon kubmetrdən çox olduğunu qeyd edən Əliyev istehsalçı, istehlakçı və tranzit ölkələrarasında Cənub Qaz Dəhlizinin həyata keçirilməsi səylərinin əlaqələndirilməsinin əhəmiyyətini vurğulayıb.
"Enerji resurslarının diversifikasiyası hazırda beynəlxalq təşkilatların əsas səhnəsində müzakirə olunan məsələdir. Azərbaycan diversifikasiyada öz rolunu oynayır. Diversifikasiya deyərkən, biz təkcə marşrutların deyil, həm də mənbələrin diversifikasiyasını nəzərdə tuturuq", deyə prezident qeyd edib.
Avropa Komissiyasının Energetika İttifaqı üzrə vitse-prezidenti Maroş Şefçoviç prezident İlham Əliyevin Cənub Qaz Dəhlizinin həyata keçirilməsində xidmətlərini xüsusi qeyd edərək, Avropa İttifaqında energetika ittifaqının yaradılması ilə məşğul olduğunu bildirib. O qeyd edib ki, Avropa enerji təhlükəsizliyi üçün mənbələrin və resursların diversifikasiyasında maraqlıdır.
Aparılmış hesablamalara görə Avropa İttifaqının idxal etdiyi qazın həcminin gələcəkdə 84%, neft idxalının isə 94% təşkil edəcəyini bildirən Maroş Şefçoviç qeyd edib ki, bundan sonra da Avropa İttifaqının üzvü olan bütün ölkələrin enerji təhlükəsizliyinə, Avropa Energetika Sisteminə real inteqrasiyasına yönəlmiş ardıcıl addımlar atılacaq. Bu nöqteyi-nəzərdən o, Cənub Qaz Dəhlizi layihəsinin uğurla və sürətlə həyata keçiriləcəyinə ümid etdiyini bildirib.
Daha sonra Məsləhət Şurası gündəlikdəki məsələlərlə bağlı müzakirələri davam etdirib.
Tədbir başa çatdıqdan sonra Cənub Qaz Dəhlizi üzrə Məsləhət Şurası çərçivəsində nazirlərin görüşünün iştirakçıları mətbuat üçün birgə bəyanat imzalayıblar.
Turan agentliyinin məlumatına görə, tərəflər bəyanatda qeyd ediblər ki, "biz layihənin həyata keçirilməsində maraqlı olduğumuzu təsdiq edirik".
* Azərbaycan 5 il sonra - Aİ-də yanacaq tələbatı ildə 500 mlrd. kubmetrə çatdıqda Avropaya böyük həmcdə qaz nəql etməyi planlaşdırır. Avropa İttifaqının özündə 2020-ci ilə qaz hasilatı tələbatın beşdə birindən bir qədər çox (135 mlrd. kubmetr) təşkil edəcək. Aİ iqtisadiyyatı ləngitməmək üçün hər il tələbatın 70%-dən çoxunu - 359 mlrd. kubmetri idxal edəcək. -12D-
-
- İqtisadiyyat
- 13 Fevral 2015 12:15
-
- İqtisadiyyat
- 13 Fevral 2015 12:22
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz