2015-ci ildə dövlət büdcəsindən Bakı Metropoliteninə 38 mln manat ayrılıb. Bu, planlaşdırılandan (36 mln 26,1 min manat) 5,4% çoxdur.
2013-cü ildə dövlət büdcəsində 29,2 mln manat ayrılmışdı. Amma Maliyyə Nazirliyinin dövlət büdcəsinin icrası haqqında hesabatında (http://maliyye.gov.az/sites/default/files/6218-izahat-2014.pdf) deyilir ki, Metropoliten İdarəsi 30,7 mln manat alıb. Bu, 2012-ci ildəkindən 5,6 mln (22,3%) çoxdur. 2014-cü ilin I yarısında Metropolitenin ziyanı 28,2 mln manat olub.
“Bakı Metropoliteni” QSC 34,6 km yola xidmət edir. Son 6 ildə 4,7 km yol və 3 stansiya istismara verilib və onların sayı 23-ə çatıb. Dövlətstatkoma görə, vaqonların sayı 274-dən 266-ya azalıb.
Bu ilin əvvəli üçün metroda 4960 nəfər çalışıb. 6 ildə metroda 665 nəfər işə düzəlib. Metroda orta aylıq maaş 575,5 manatdır (2013-cü il). Bu, 2007-2008-ci illərdəkindən 69,3% çoxdur.
Bu ilin martında Metropoliten səhmləşdirilib və dövlət 100% səhmə malikdir. Metropolitenin rəhbərliyi dəyişdirilib və SC-nin saytının (www.metro-gov.az) fəaliyyəti dayandırılıb. 08B
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz